Уште едно слатко задоволство за оние кои не можат без десерт. Погодна за секој вкус, посна алва која може да се јаде и за време на пост на вода. Рецепт со одличен вкус и со брза и лесна подготовка.
Подготовката не одзема многу време, а состојките кои се потребни кои најчесто ги имаме дома. Одличен рецепт е кога се подготвувате за пречек на гости, за слави, за имендени, за родендени и за други свечени поводи, бидејќи покрај тоа што е извонредно вкусна, истовремено е и декоративна, па така ќе бидат задоволени вкусовите дури и на најпребирливите.
Состојки:
- 1 кг шеќер
- 250 мл вода
- 250 гр брашно
- 100 гр сецкани ореви или суво грозје.
Подготовка:
- Во тенџере на оган се ставаат 6 полни лажици од шеќерот и се остава да карамелизира до темна боја.
- Потоа, внимателно се додава водата и останатиот шеќер.
- Убаво се меша, додека се стопат шеќерот и карамелот, по што се остава да зоврие со повремено мешање.
- Откако ќе зоврие се остава да вари околу 3-4 минути.
- Тенџерето се трга од огнот, се додава брашното, па убаво се меша за смесата добро да се изедначи (да нема грутчиња).
- Потоа се додаваат сечканите ореви или суво грозје.
- Смесата се истура во мал плех обложен со алуминиумска фолијa.
- Оставете да се олади и да се стврдне неколку часа.
- На крај, изладената посна алва сечете ја на правоаголници или коцки и сервирајте. На здравје!
Рецептот го испратил: Невена Ѓеровска.
Ви предлагаме да прочитате: Брза посна торта со мармалад и ореви.