Лековитата рукола е медитеранска самониклива билка со зелени листови и по малку горчлив вкус. Во последните години многу се зборува за нејзиното корисно дејство за организмот, па употребата на руколата е се поголема.
Припаѓа на истото семејството како и брокулата и зелката, а во последните неколку години има стекнато многу голема популарност бидејќи е многу хранлива и лековита. Во главно се состои од вода, богата е со јаглени хидрати, протеини, калциум, магнезиум и ватамини А, К, Ц и Б комплекс.
Исто така содржи активни состојки кои имаат антиканцерогено дејство, кои делуваат позитивно на човековото здравје и спречуваат ризик не само од канцери, туку и од многу други болести. Руколата е посебно значајна во борбата против рак на дојката кој во денешно време е се позастапен.
Во свежа состојба најчесто се конзумира како салата, а исто така дава специфичен вкус во супи, чорби, рижото и преливи на база на домат. Доколку не го сакате овај карактеристичен вкус на руколата немојте да се откажувате од неа бидејќи е многу драгоцена за вашето здравје. Горчината на руколата можете да ја ублажите со кратко бланширање или со пржење во маслиново масло.
Предлог рецепт за освежувачка салата со рукола
Состојки:
- 2 китки рукола
- 2 гранчина свеж босилек
- 150 гр горгонзола
- една рака ореви
- 2 мали лажички цветен мед
- малку сол
- 1 мало лажиче сок од лимон
- 100 мл маслиново масло.
Подготовка:
- Руколата се мие, ситно се сечка и се става во чинија за салата.
- Се додава босилекот и добро се меша.
- Во помал сад се меша медот, солта, сокот од лимон и маслиновото масло.
- Салатата се прелива со вака приготвениот сос, а од горе се ставаат издробените парчиња горгонзола и ситно сечканите ореви.
На здравје!