Ако сакате да се засладите со посебен и несекојдневен десерт кој се топи во уста, чоколадна кростата треба да биде вашиот прв избор! Ќе се запрашате, како ли тврдат со толкава сигурност? – А ние, искрено ви одговараме, сме пробале што се можат вештите раце на Невена.
Кростатава е одлична, а можете да ја спаковате и да ја носите секогаш и секаде. Пробајте ја!
Состојки:
За тесто:
- 200 гр путер омекнат на собна температура
- 410 гр брашно
- 150 гр шеќер
- 1 кесичка ванилин шеќер
- 1 лажица екстракт од ванила
- 70 гр чоколадо во прав
- 2 јајца
- 1/2 лажиче печиво.
За фил:
- 3 јајца
- 120 гр шеќер
- 250 гр крем сирење
- 200 гр рикота
- 200 гр кокос
- 1 лажица екстракт од ванила
- 50 гр чоколадни капки.
Подготовка:
- Најпрво подгответе го тестото. Во сад ставете ги сите состојки и убаво измесете го додека добиете тврдо изедначено тесто.
- Потоа, завиткајте го во проѕирна фолија и оставете го во фрижидер околу 1 час.
- Во меѓувреме подгответе го филот. Во сад ставете ги јајцата и разматете ги со виљушка.
- Додајте ги двата вида на сирење и мешајте ги за да се соединат со јајцата.
- Потоа, додајте ги останатите состојки и измешајте ги да се изедначат.
- Извадете го тестото од фрижидер.
- Еден мал дел оставете за декорација на кростата од горе, а од другиот дел врз набрашнета површина развлечете кора, само малку поголема од калапот или тавата (бр 28).
- Кората ставете ја во калапот и израмнете ја по страните, а дното избоцкајте го со виљушка.
- Додајте го филот и израмнете го.
- Од останатото тесто направете лентички или форми со калапчиња и наредете ги одозгора над филот.
- Готовата чоколадна кростата ставете ја да се пече во загреана рерна на 180 степени, за време од околу 35 минути.
- Оставете ја убаво да излади и послужете се. На здравје!
Рецептот го испратил: Невена Ѓероска.
Ви препорачуваме да прочитате: Кремаст чоколаден колач без печење.