Го истражуваме светот и ви ги презентираме најдобрите јадења со нашите пријатели Агриа! Овој пат ве водиме во Англија на дегустација на еден специјалитет кој се приготвува со мелено месо и пире од компири. Станува збор за познатата селска, овчарска пита.
Јадењето за прв пат се споменува во доцниот 18-ти и 19 век, во две различни варијанти. Селска пита која се приготвувала со јунешко мелено месо, и овчарска пита која се приготвувала со мелено овчко месо.

Состојки:
- 2 лажици маслиново масло
- 1 чаша сечкан кромид
- 450 г мелено месо од Агриа (јунешко или мешано по желба)
- Зачини: 2 мали лажички сув магдонос, 1 лажичка сув рузмарин, 1 лажичка сува мајчина душица
- ½ лажичка сол и ½ лажичка мелен црн пипер
- 1 лажица ворчестер сос
- 2 сечкани чешниња лук
- 2 лажици брашно
- 2 лажици доматно пире
- 1 чаша говетски бујон
- 1, 5 чаша замрзната златна мешавина.
За пире од компири:
- 750 – 900 г компири, сечкани на коцки
- 100 г несолен путер
- ⅓ чаша млеко
- ½ мала лажичка лук во прав, ½ мала лажичка сол и ¼ мала лажичка мелен црн пипер
- ¼ чаша пармезан или кашкавал по избор.

Подготовка:
- Прво започуваме со подготовка на месото. Во голема тава на оган ставете го маслото да се загрее. Додајте го кромидот и пропржете го околу 5 минути. Во тавата додајте го месото, зачините – магдонос, рузмарин, мајчина душица, сол и мелен црн пипер. Мешајте со дрвена лажица околу 6-8 минути, додека месото потемни. За време на пржењето, иситнете го месото како за мусака.
- Во тавата додајте го ворчестер сосот и лукот. Измешајте и пропржете ги околу 1 минута. Потоа додајте го брашното и доматното пире. Измешајте за да се соединат.
- Во тавата додајте го бујонот и златната мешавина. Штом зоврие, намалете ја температурата и оставете го месото да крчка околу 5 минути. Повремено промешувајте. Тавата тргнете ја од огнот.
- Рерната пуштете ја да се загрева на 200 степени.
- Започнете со подготовка на компирите. Ставете ги во големо тенџере, додајте вода за да ги покрие. Ставете ги на оган и варете ги околу 10-15 минути.
- Исцедете ги компирите и варете ги во тенџерето. Додајте ги путерот, млекото и зачините. Испасирајте ги, а на крај додајте го пармезанот и измешајте.
- Смесата со месото ставете ја во тава (23*23 см). Врз месото нанесете го пирето од компири. Тавата ставете ја да се пече за време од 25-30 минути.
- По печењето, оставете ја да се излади за време од 15 минути, а потоа сервирајте. На здравје!

Препорака плус:
Сакаш да го направиш овој специјалитет, но размислуваш од каде да набавиш квалитетно месо? – Посети ги месарниците на Агриа во Битола, Штип и Велес, или побарај го месото од Агриа во Тинекс и Рамстор маркетите. Секогаш свежо, домашно и со врвен квалитет. А дали знаеш дека Агриа имаат свои фарми, кланица и фабрика за производство на сточна храна? Така се заокружува принципот од „нива до трпеза“ и се добиваа месо со најдобар квалитет. За повеќе новости, следи ги Агриа на:
Може да те интересира: Домашен бурек со месо – со готови кори, без месење.
*Рецептот е овозможен од Агриа.
