„Празниците носат радост во домот и на трпезата! За овие празници ви предлагам брз и преубав рецепт за мезе – солена елка, празнична крем салата со сирење. Вкусот е фантастично добар, па мора да ја направиш за празниците!
Потребни ти 15-тина минути за најубавата празнична крем салата. Новогодишната и божиќната трпеза нека бидат богати и вкусни, а насмевките, радоста и среќата присутни во сечиј дом!“ – вели Марија.
Состојки:
- 200 г Шарпланинско бело сирење од Млекара Тетово
- 100 г павлака со 20% млечни масти
- ½ мала лажичка лук во прав
- 1 лажичка оригано
- Сечкан свеж магдонос, ѕвезда од морков, калинка и бадеми во листови за декорација на елката.
Подготовка:
- Сирењето изрендајте го или издробете го и ставете го во длабока чинија. Додајте ја павлаката, лукот во прав и ориганото. Измешајте за да се соединат состојките.
- Врз најлонска фолија ставете ја смесата и обликувајте ја во форма на елка.
- Елката од сирење изролајте ја во чинијата со сечкан магдонос. На врвот поставете ја ѕвездата од морковот. Потоа декорирајте ја со зрна од калинка и бадеми од листови. Послужете ја со солени крекери и уживајте во празниците!
Препораки од авторот:
- Шарпланинското бело сирење од Млекара Тетово редовно го купувам и е едно од најдобрите за мој вкус. Често го има во Стокомак, како и во другите поголеми маркети.
- Овие празници со белото сирење планирам да направам и Новогодишна солена елка – ордевер со бомбици од сирење.
Ти се допадна овој рецепт? – Ако си во потрага и по други испробани рецепти и идеи за празничната трпеза, посети ги моите профили на социјалните мрежи и пронајди ја твојата инспирација. Може да го погледнеш и видеото од подготовката на:
- Instagram – @kocovska.marija
- Facebook – Marija Kocovska
- Youtube – Marija Kocovska
- Tik Tok – @marija.kochovska.
*Рецептот е овозможен од Млекара Тетово.