Хранливо, вкусно и чоколадно, а надополнето со неодоливата арома на банана. Вкусна сензација за убави утра полни со енергија и расположение! Потребни ви се помалку од 5 минути за да си направите совршен оброк во чаша со какао.
Уживаме во кратките и брзи појадоци. Овој пат имаме предлог за екстра брза и многу едноставна подготовка на оброк во чаша со вкус на банана и чоколадо. Како залагачи за фит фигура на што поздрав начин, овој рецепт е подготвен така што содржи 200 калории, при што 17 грама од нив припаѓаат на протеините, а во својот состав има и витамини и минерали. Чоколадниот хранлив оброк во чаша е корисен за повеќе нешта и тоа:
- ја намалува желбата за храна
- го регулира и намалува апетитот
- го зголемува нивото на енергија
- ја подобрува дигестијата
- има низок гликемиски индекс
- одличен е за имуниот систем.
Состојки:
- 1 банана
- 200 мл обезмастено млеко (со 1,5% млечни масти)
- 2 лажици какао.
Подготовка:
- Бананата излупете ја и по желба исечете ја на кругови, па ставете ја во блендер.
- Потоа додајте го млекото и на крај двете лажици какао.
- Зависно од блендерот, блендирајте 2-3 минути, а штом видите дека содржината убаво се измешала може да престанете со блендирањето и да преминете на сервирање на напитокот. Погледнете го краткото видео и на здравје!
Ви препорачуваме да прочитате: Чоколадна торта со урми без шеќер и без брашно.