Ем посна, ем здрава! Денес наместо ручек или вечера, направи си оброк салата со наут. Комплетно избалансиран оброк, богат со растителни влакна, протеини и здрави масти.
Наут, киноа, краставица, пиперка, кромид, ленено масло… Здрави состојки за лесни пости и енергичен ден. Од наведените состојки ќе добиеш 8 порции, а салатата може да ја чуваш во фрижидер и да ја употребиш во рок од 3 дена.
Состојки:
- 1 чаша киноа
- 2 чаши вода
- 1 конзерва (1, 5 чаша) варен наут
- 1 краставица
- 1 пиперка
- 1 главица кромид
- 1 киска магдонос
- ¼ чаша масло од ленено семе од Фила
- ¼ чаша свежо цеден сок од лимон
- 1 лажица вински оцет
- 2 чешниња лук
- ½ мала лажичка сол
- Мелен црн пипер по вкус.
Подготовка:
- Киноата измијте ја, исцедете ја и ставете ја во тенџере. Додајте ја водата и ставете го тенџерето на оган да се вари на средна температура. Потоа намалете ја температурата и варете околу 15 минути, додека киноата ја апсорбира водата. Тенџерето тргнете го од огнот и оставете ја киноата да отстои уште 5 минути.
- Краставицата, кромидот и пиперката исечкајте ги на коцки. Магдоносот ситно исечкајте го.
- Во голема длабока чинија ставете ги наутот, краставицата, пиперката, кромидот и магдоносот.
- Во мал сад измешајте ги лененото масло, сокот од лимон, оцетот, лукот и солта.
- Киноата додајте ја во садот со салатата, а потоа додајте го преливот со маслото. Измешајте за да се соединат состојките. Зачинете со мелен црн пипер и прстофат сол.
- За најдобар вкус, оставете ја салатата да отстои 5 до 10 минути, а потоа послужете ја.
Нутритивна анализа на посна оброк салата со наут
Калории: 220 kcal.
Масти: 10 г (15%)
- Заситени масти: 1 г.
- Незаситени масти: 0 г.
- Мононезаситени масти: 1 г.
- Транс масти: 0 г.
Холестерол: 0.
Протеини: 7 г (14%).
Јаглехидрати: 27 г (9%).
- Растителни влакна: 5 г (21%).
- Шеќери: 3 г.
Витамини: А (53%), Ц (65%).
Придобивки од состојките кои се користат
Наут – Наутот е богат извор на витамини, минерали и влакна. Има многу здравствени придобивки, меѓу кои: регулирање на тежината и подобрување на варењето. Освен тоа, наутот е богат со протеини и е одлична замена за месото во многу вегетаријански и вегански јадења.
Киноа – Киноата е корисна за одржување на здравјето на системот за варење на тој начин што помага за регулирање на балансот на цревната микрофлора.
Масло од ленено семе – Неколку истражувања потврдија дека маслото од лен го смирува воспалението на цревата. Благодарение на високата содржина на слузни материи кои ги содржат, лененото семе и лененото масло се ефикасни природни лаксативи, кои помагаат при запек и го забрзуваат метаболизмот.
Како квалитетно и испробано, може да го препорачаме ладно цедено масло од лен од Фила, кое може да се најде во поголемите маркети низ Македонија или да се порача од онлајн продавницата. Достапно е во две пакувања:
Може да те интересира: Смуди со јагоди и ленено масло за забрзување на метаболизмот.
*Рецептот е овозможен од Фила.