Лето, топло време и освежително ладно кафе со неодолива арома на богат чоколаден крем! Звучи примамливо, зарем не? Време е за ново гурманско задоволство и паметење на летово со нашиот нов рецепт за чоколадно ладно кафе.
Обожаваме целувки, а кога сме во Крушево не ја пропуштаме шансата да си купиме од овие традиционални колачиња кои се одлика на крушевскиот крај. Истите можат и дома да се приготват по проверен рецепт, но најважно при нивната подготовка е начинот на печење, односно сушење на ниска температура. Во овие пролетни денови можете да се освежите со убавата комбинација на целувки со јагоди и крем од слатката павлака.
Припремата е многу лесна! Можеби на прв поглед ќе помислите „Леле, колку е долга листата на состојки!“, но тоа воопшто не треба ве плаши, затоа што скоро сите ги имаме во кујната секојдневно. Сé што треба е само да се соединат. А, како што знаете, една од нашите цели е лесна, брза и вкусна кујна, па овој рецепт за лесна чорба од печурки е баш таков!
Новите рецепти за посни крем салати се добредојдени во секој момент! Слави, имендени и родендени нѐ очекуваат во на периодов на пости, а тоа е супер можност за дегустација на нови јадења. Ги избравме нашите омилени посни крем салати: посна руска, посна со макарони, посна салата со туна и посна крем салата со цвекло.
Вкусното домашно крем сирење – лабнех е специјалитет од Блискиот Исток, а се добива со цедење на кисело млеко. Има благ вкус и потсетува на крем сирење. Со него може да си направите вкусни топчиња за мезе или корпички од краставица. Како и да го употребите, има декоративен изглед кој ќе ја краси вашата трпеза за разни поводи и прослави. А, може да се послужи и како лесно предјадење, па прочитајте до крај.
Ако ви се најават гости и не знаете со што да ги почестите, имам еден баш брз и многу лесен рецепт од мојата кујна! Нема потреба да се грижите, затоа што за кратко време ќе имате вкусна крем салата со јајца и сирење, која многу ќе им се допадне на домашните дегустатори, а и на гостите! – вели Катерина од нашиот тим.
Нареден пат кога во фрижидерот ќе имате парче тиквичка со кое не знаете што да правите, сетете се на овој рецепт и искористете го. За среќа, тиквичките ги имаме преку целата година, а рецептите со нив се добредојдени. Па, пробајте ја оваа вкусна и хранлива домашна крем супа од тиквичка, која ќе ве освежи во било која сезона.