Велигденските празници се ближат! Трпезите ќе изобилуваат со различни специјалитети, а секој од нас е во потрага по вкусни, но брзи и лесни рецепти. А токму за Велигден имаме супер идеја за баклава. Испробана во нашата кујна и омилена на сите кои што ја дегустираа. Овие празници, збогатате ја празнична трпеза со домашна баклава со лешници и чоколадо.
Инспирација за подготовка на овој рецепт ни беа квалитетните производи на Витаминка и роланата посна баклава со ореви и чоколадо. Направивме некои измени во филот, оревите ги заменивме со лешници, количината на чоколадо ја зголемивме и така креиравме нов, богат вкус за сите љубители на баклава.
Состојки:
- 500 грама кори за баклава
Фил:
- 300 грама Синтагма какао крем за торти – чоколадо за готвење
- 300 грама лешници
- 100 грама суво грозје
- 100 грама кокос од Витаминка.
За премачкување на корите:
- 150 мл газирана минерална вода
- 50 мл Брилијант масло.
Шербет:
- 600 грама шеќер
- 800 мл вода
- 2 ќесички ванилин шеќер од Витаминка
- свежо цеден сок од 1 лимон.
Подготовка:
- Во чинија ставете го сувото грозје и додајте 100 мл топла вода. Оставете го грозјето за време од 10 до 15 минути.
- Лешниците потпечете ги, а штом се изладат сомелете ги или истолчете ги. Чоколадото изрендајте го на ситната страна на рендето. Во длабок сад ставете ги ренданото чоколадо, лешниците, кокосот, сувото грозје, и добро измешајте.
- Во длабока чинија ставете ги газираната минерална вода и маслото.
- Корите поделете ги на еднакви делови, така што во секој дел да има по 3 кори или 4 кори, доколку се потенки.
- Првата кора ставете ја на работната маса и попрскајте ја со растворот од вода и масло. Врз неа ставете ја втората кора и таа попрскајте ја со водата и маслото. На крај, ставете ја третата кора. На едниот крај од кората, оставете простор од 1 см и ставете 4 до 5 лажици од филот. Филот распоредете го по должината на кората. Трите кори свиткајте ги како ролат и ставете ги во претходно намрсен плех за печење.
- Постапката со виткање на корите како ролат, повторете ја со преостанатите кори.
- Штом ги наредите сите кори во тавата, со помош на остар нож исечете парчиња, со големина по желба.
- Плехот ставете го да се пече во загреана рерна на 180 степени за време од 30 минути, додека баклавата добие убава румена боја.
- Печената баклава оставете ја да се излади.
- Во тенџере на силен оган ставете ги водата, шеќерот и ванилиниот шеќер. Штом шербетот зоврие, варете за време од 3 до 4 минути. Потоа, тенџерето тргнете го од огнот и во шербетот додајте го свежо цедениот сок од лимон. Шербетот оставете уште 5 минути да се излади, а потоа полејте ја баклавата. Вака припремената баклава со лешници и чоколадо оставете ја неколку часа (најдобро е преку ноќ) на собна температура за да се впие шербетот. Потоа, послужете ја. Уживајте во светот на вкусовите со Витаминка и sezahrana.mk!
Ви предлагаме да прочитате: Велигденска трпеза – 3 брзи и лесни Витаминка рецепти.
*Спонзориран текст