Безвременски рецепт кој освојува секој пат и во секоја варијанта! Оваа безглутенска проја со блитва и сирење нема ниту малку бело брашно, а превкусна е! Ги обожаваме ваквите залчиња, а што е најважно секогаш ги делиме со пријателите и ги дегустираме заедно за уживањето да е уште поголемо!
По желба блитвата можете да ја замените со спанаќ или зелје, зависно од сезоната. Проичкава е вкусна за секого и погодна за секаде, направете ја и уживајте.
Состојки:
- 1/2 – 2 чаши пченкарно брашно
- 1 ќесичка прашок за печиво
- 2 грста сечкана блитва
- 300 гр сирење
- 1 лажиче сол
- 4 јајца
- 1 чаша јогурт
- 50 мл масло.
Подготовка:
- Прво припремете ја блитвата. Измијте ја и исечкајте ја поситно.
- Сирењето изрендајте го и додајте го во садот со сечканата блитва.
- Тавата со големина бр 30. обложете ја со хартија за печење.
- Јајцата матете ги со миксер додека се претворат во густ крем и се познава убава трага од маталките.
- Потоа во садот со матените јајца додајте го јогуртот, маслото и малку промешајте со лажица.
- Додајте ги пченкарното брашно и печивото, па убаво измешајте со лажица.
- Додајте ги блитвата и сирењето и по потреба малку посолете.
- Добро измешајте со лажица, а потоа смесата турете ја во претходно обложената тава со хартија за печење. Печете во загреана рерна на 180 степени, за време од 20-30 минути или додека зарумени. На здравје!
Ви препорачуваме да прочитате: Безглутенска солена торта со урда и зеленчук.