Оваа брза посна салата ја правам за секоја посна славска трпеза или именден. Брза и превкусна, а се прави само со неколку состојки. Од наведените состојки ќе добиете една голема длабока чинија со салата, а по желба може да ги зголемиш состојките.
Накратко, свари ги макароните и златната мешавина, додај сечкани корнишони и посен кашкавал, измешај со посен мајонез и тоа е тоа!
Состојки:
- 200 грама посни макарони
- 200 г сварена златна мешавина (грашок, пченка, морков)
- 5 кисели краставички
- 100 грама Vegan Natura од Млекара Тетово (посен производ за замена на кашкавал)
- 2-3 лажици посен мајонез
- сол по вкус.
Подготовка:
- Во тенџере на оган ставете 2 литри вода да се вари. Штом водата ќе зоврие, во тенџерето додај ги макароните да се варат. Варете ги околу 7-10 минути, со повремено мешање во зависност од упатството. Варените макарони исцедете ги, исплакнете ги со ладна вода, повторно исцедете ги и оставете ги да се изладат.
- Киселите краставички и кашкавалот исечкајте ги на коцки.
- Во длабок сад ставете ги макароните, сварената златна мешавина, киселите краставички, кашкавалот, мајонезот, посолете по вкус и добро измешајте ги состојките. Послужете и на здравје!
Совети плус:
- За подготовката го користев новиот Vegan Natura – посен производ за замена за кашкавал. Има убав вкус и совршено се вклопува во салата. Може да се најде во поголемите маркети, како Tinex, Vero или Жито Маркет.
- Приготвената брза посна салата со макарони може да ја приготвите и еден ден однапред, само што треба да ја чувате во фрижидер.
Ако си во потрага и по други испробани рецепти и идеи, посети ги моите профили на социјалните мрежи и пронајди ја твојата инспирација. Разгледај и заследиме на:
- Instagram – @kocovska.marija
- Facebook – Marija Kocovska
- Youtube – Marija Kocovska
- Tik Tok – @marija.kochovska.
Може да те интересира: Кинеска салата со ориз.
*Рецептот е овозможен од Млекара Тетово.