Речиси и да нема дете или возразен кој не сака крцкави јадења! – А ние, имаме рецепт за крцкави на површината, а сепак сочни похувани пилешки копани со брза подготовка. Плус, се подготвуваат лесно, па може да ги подготви секој. Целото семејство ќе ги обожава!
Тајната на нивниот прекрасен вкус се крие во зачините. Па, нареден пат кога ќе приготвувате похувани копани искористете ги зачините кои ви ги предлагаме и месото ќе добие нова димензија на вкусови.
Состојки:
- пилешки копани по потреба
- 3 јајца (по потреба зголемете ја дозата)
- лебни трошки по потреба
- брашно по потреба
- Дафинка мешан зачин по вкус
- 4 чешниња лук
- кари од Витаминка по вкус
- прстофат зачин за пилешко од Витаминка
- Брилијант масло по потреба за пржење
- мелен црн пипер по вкус.
Подготовка:
- Пилешките копани измијте ги и сварете ги, а потоа излупете им ја кожата.
- Лукот излупете го, исечкајте го и изгмечете го.
- Во сад подгответе мешавина од зачини. Ставете ги претходно припремениот лук, карито, мелениот црн пипер, Дафинка мешаниот зачин и зачинот за пилешко.
- Потоа, копаните добро истријте ги со подготвената мешавина од зачини за добро да се распореди вкусот.
- Секој од од нив извалкајте го прво во брашно, па во изматените јајца и на крај во лебните трошки.
- Така припремените копани пржете ги во загреано Брилијант масло додека поруменат.
- Похуваните пржени копанчиња вадете ги на решетка или врз кујнска хартија за да се исцедат од вишокот масло.
- Послужете ги додека се топли со прилог од помфрит, кечап, сос за скара и салата. На здравје!
Ви препорачуваме да прочитате: Пилешко со сос за скара повкусно отколку со стандардна маринада.
Следете ја sezahrana.mk и на Instagram и Pinterest.
*Спонзориран рецепт.