Готвиме со Марија Кочовска: Велигденски путер колачиња од 5 состојки • Сè за храна

„Празничната магија внеси ја во својот дом! Мирис на ванила, путер и весели колачиња за среќни празници. Време е за радост, подготовка на најубавите јадења и десерти, и празнување. Овие празници направи велигденски путер колачиња со само пет состојки.

Заедно со најмалите декорирајте ги и креирајте моменти на среќа кои ќе се паметат долго. Направете шарени јајца, пилиња, зајчиња, цветови…, а може да освоите и подарок (прочитај подолу како може да учествуваш во велигденското подарување)“ – вели Марија од нашиот тим.

Состојки:

420 г Екстра бело брашно од Жито Лукс.
220 г путер на собна температура
180 г шеќер во прав
1 големо јајце
1 ½ лажичка екстракт од ванила.

Подготовка:

Во длабок сад се мешаат путерот и шеќерот во прав. Штом смесата се соедини се додаваат јајцето и екстрактот од ванила. Се меша и се додава Екстра белото брашно.
Се замесува тестото. Тестото се дели на два дела.
Секој дел се става во харија за печење и се сучи правоаголна кора. Кората се става во замрзнувач за време од 20-30 минути.
Потоа се вади и се сечат форми како јајце, зајаче… Колачињата се редат во тава обложена со хартија за печење. Тавата се става во фрижидер 20-30 минути. Колачињата се печат во загреана рерна на 180 степени за време од 12-15 минути. Важно е останат бели, да не потемнат по краевите.
Се остават да се изладат, а потоа се декорираат по желба со кралска глазура (Royal Icing) – со белка, фондан или бело чоколадо. Подготовката и начинот на декорација, погледни ги на видеото. Среќни празници!

Совети плус:

Путерот и шеќерот може да ги изматиш и со миксер.
Исто, штом ги додадеш јајцето и ванилата може да изматиш со микер. Така за пократко време ќе ги направиш колачиња.
Веднаш штом ги извадиш печените колачиња може да ти изгледаат дека не се доволно испечени, но потребно е да изладат. Ако го продолжиш времето на печење, може да потемнат.
Повеќе идеи и празнични рецепти разгледај на моите профили и заследи ме: Instagram – @kocovska.marija, Facebook – Marija Kocovska.

А знаеш дека може да освоиш и подарок од Жито Лукс? Направи го твојот омилен рецепт со брашно од Жито Лукс и приклучи се во дарувањето кое трае до 18.04.2023. Кликни на линковите и учествувај: