Времето на зимници е полн ек. Голем дел од нас го користат изобилството од зеленчук и овошје на пазарите и припремаат различни слатки или солени специјалитети кои траат до следното лето.
Една од популарните салати која се припрема за зимница е медицинска салата. И благодариме на Клара за испратениот рецепт за медицинска салата кој можеме да го споделиме со сите вас. При припремата на оваа салата, Клара ни ги дава следните совети:
- Морковите можат да се стават свежи, не подварени. Доколку сакате таква салата, испробано е вкусна.
- Везаните пиперки можете да ги замените со црвена пиперка која исто така одлично се вклопува во салатата.
- Салата може да се собере во тегли за многу кратко време, скоро никогаш не ја чекам да одстои како што бара рецептот и воопшто нема никаков проблем.
- Оваа салата слободно може да се направи и во текот на зимата кога и да ви текне на неа, со варијација на тема – пиперки, но исто така сум ја правела и без нив, ни се допаѓа и така.
Состојки:
- 1 кг везани пиперки
- 2 кг моркови
- 2 китки магдонос
- 2 главици лук
- 250 мл масло
- 300 мл винска киселина
- 2 лажици сол
- 2 лажици шеќер
- 1 таблета аспирин.
Подготовка:
- Морковите малку подварете ги, а пиперките потпечете ги. Потоа исецкајте ги на парчиња со големина од 1-2 см и ставете ги во шерпа или вангла.
- Лукот и магдоносот ситно исечкајте ги и додајте ги во садот со пиперките и морковите. Убаво измешајте ја смесата.
- Во друг сад растворете ги маслото, киселината, солта, шеќерот и аспиринот, кој предходно сте го издробиле.
- Во садот со пиперки и моркови, додајте го растворот со маслото, убаво измешајте и после 24 часа, салатата соберете ја во чисти, суви тегли. Теглите со приготвената медицинска салата чувајте ги на ладно и темно место.
Рецептот го испратил: Клара Бос