Сите сме слушнале за мусака, но може да се каже дека ретко кој има пробано ваква! Ако сакате да си го разубавите секојдневието и да имате на трпезата малку поинакво јадење, најтопло ви препорачуваме да ја пробате оваа мусака од ориз и мелено месо.
И благодариме на Невена за несебичното споделување на своите идеи и за тоа што ни припреми вака вкусен рецепт.
Состојки:
- 300 гр ориз
- 500 гр мелено месо
- ½ главица кромид
- 1 морков
- 1 лажица вегета
- ½ лажиче црн пипер
- 1 лажиче црвенa пипер
- 100 гр кашкавал
- 4 -5 лажици масло.
За прелив:
- 3 јајца
- 200 гр кисела павлака
- 300 мл млеко.
Подготовка:
- Кромидот и морковот ситно исечкајте ги и пропржете ги во малку масло.
- Потоа додадете ги месото и зачините. Измешајте и убаво испржете ги сите состојки.
- Оризот сварете го во посолена вода и исцедете го.
- За ваквата мусака од ориз и мелено месо, ќе ви биде потребно да припремите помало плехче. Намачкајте го со путер и наросете го со лебни трошки.
- Ставете половина од оризот и наредете половина од кашкавалот исечен на парчиња или изрендан.
- Потоа наредете го месото , повторно ставете кашкавал и на крај додајте го остатокот од оризот.
- Измешајте ги јајцата со млекото и павлаката, па прелијте ја мусаката одозгора.
- Ставете ја да се потпечи околу 10-15 минути на 200 степени.
Готовата мусака од ориз и мелено месо е најубава кога се служи топла, а како прилог можете да сервирате и салата. На здравје!
Рецептот го испратил: Невена Ѓероска.
Ви препорачуваме да прочитате: Солена торта од ориз и пилешко.