Од најмлади до највозрасни, сите кои ја пробаа нашата свежа летна салата со ленено масло се воодушевија комплетно! Сите тие уживаа во вкусот, а ние уживавме во нивните реакции и емоции на задоволство, па едвај чекаме да се собериме пак, за што поскоро одново да се радуваме и вкусно да се забавуваме!
Нема да ви се верува, а може дури и да ви биде чудно, но точно баш лененото масло беше инспирација за овој рецепт. Ако и вие како нас, често пати се запрашувате како може почесто да го користите лененото масло во исхраната, бидејќи знаете дека е многу здраво, а има специфичен вкус, ова е топ идеја. Само го надополнува вкусот, а она што е најдобро што ја прави исклучително богата со здрави и хранливи својства. За неговите карактеристики може да прочитате тука.
Може да ве интересира: Ленено масло за добро здравје на срцето и Масло од лен за намалување на холестеролот и високиот крвен притисок.
Состојки:
- 5-6 листови од марулка или друга зелена салата
- 1/2 краставица (исечкана на коцки)
- 1/2 чаша неварено просо
- 1 лажица лупен сончоглед
- 1 рамно лажиче ленено семе од Фила
- 2 лажици ленено масло од Фила
- 3 ореви, односно 6 јатки од ореви
- сол по вкус
- 200 мл павлака
- малку од лененото масло, ленено семе и ореви за декорација.
Подготовка:
- Најпрво сварете го просото, во сооднос 1:3, а во случај да сте туриле малку повеќе вода, само исцедете го. Откако ќе се свари, оставете го да се излади.
- Во меѓувреме, листовите марула измијте ги и оставете водата добро да се исцеди. Издробете ги на средно ситни парчиња.
- Краставицата измијте ја, па исечкајте ја на коцки.
- Во сад ставете ја издробената марулка, коцките од краставицата, додајте го изладеното и сварено просо рамномерно врз зелените состојки.
- Распределете го лупениот сончоглед, лененото семе и 4 од јатките ореви, кои треба претходно да се исечкани. Две од јатките оставете за декорација на салатата.
- Додајте го лененото масло и сол по вкус, па малку промешајте.
- На крај, со помош на лажиче на повеќе места ставете од павлаката. Така салатата ќе делува уште попривлечна.
- Декорирајте така што ќе турите уште неколку капки ленено масло одозгора врз салата. Поросете со малку ленено семе и претходно исечканите 2-те јатки кои ги оставивте за декорација. Послужете и на здравје!
Ви препорачуваме да прочитате: Смуди со јагоди и ленено масло за забрзување на метаболизмот.