Здрава, свежа салата кој може да ја послужите како додаток на ручекот или да ја консумирате за вечера. Оваа салата е една од нашите омилени со вкусен прелив од јогурт, па со задоволство ја споделуваме со вас.
Потрагата по здрави и вкусни рецепти е наш приоритет и императив, па повелете уште еден вкусен и здрав рецепт. Неговиот хранлив состав е креиран специјално за да се чувствувате енергично и исполнети со свежина во текот не целиот ден. Изобилува со свежи намирници кои му обезбедуваат витамини, минерали и растителни влакна на организмот, како и корисни протеини и пробиотици. Здравата туна салата со марула и прелив од јогурт е полновреден оброк кој убаво ќе ве нахрани, а тоа го знаеме бидејќи е повеќе пати е испробана во нашата кујна и топло ви препорачуваме да ја пробате уште денес.
Количината на состојки е предвидена за две лица, а во една порција по лице има 328 калории, од нив 15.2 грама се масти, 11 грама се јаглени хидрати, 5.2 грама растителни влакна и 14.1 грама протеини.
Состојки:
- 6-8 листови марула
- 1 средно голем домат
- парчиња туна од конзерва
- рендан пармезан
- 50 грама кашкавал по желба.
За прелив:
- 50 мл јогурт
- кари, куркума, мелен црн пипер
- свеж сок од ½ лимон
- 1 мала лажичка ленено семе
- ½ мала лажичка чија семе
- хималајска сол по вкус.
Подготовка:
- Листовите марула измијте ги и исечкајте ги.
- Доматот исечкајте го на кришки. Кашкавалот исечкајте го на мали коцки.
- Во мал длабок сад ставете го јогуртот, додајте го сокот од лимон и зачинете со кари, куркума и мелен црн пипер. Измешајте ги состојките. Во преливот додајте ги лененото семе, чија семето и посолете по вкус.
- Во длабока чинија ставете ја сечканата марула и додајте го преливот. Измешајте убаво. Врз марулата ставете ги парчињата туна и наросете со пармезан. Странично поставете ги кришките домат и додајте ги коцките кашкавал по желба. Приготвената салата со туна и марула послужете ја веднаш. На здравје!
Ви предлагаме да прочитате: Свежа салата за брз метаболизам и добар имунитет.