Велигденски чоколадни гнезда за 5 минути

Велигденската слатка магија е насекаде околу нас! На детската радост и нема крај со најдобрите и испробани рецепти од кујната на Сѐ за храна. Празниците разубавете ги и направете слатко катче со брзи и едноставни рецепти. Доволни ви се само 5 минути за подготовка на велигденските чоколадни гнезда кои се рецепт број 1 за овие празници.

„Поканете ги најмалите и забавувајте додека ја подготвувате оваа слатка празнична приказна. Чоколадните гнезда се крцкави и вкусни, а дополнети со веселите јајца се празнично уживање кои ќе креира слатки спомени!“ – вели Марија која го направи овој рецепт.

велигденски чоколадни гнезда

Состојки:

  • 200 г чоколадо за готвење
  • 2 лажици мед
  • 120 г корнфлекс
  • 120 г чоколадни јајца
велигденски чоколадни гнезда

Подготовка:

  1. Корнфлексот ставете го во најлонска кеса и истолчете го на средно големи парчиња. 
  2. Во сад на пареа или микробранова печка ставете го претходно искршеното чоколадо и растопете го.  
  3. Во растопеното чоколадо додајте го медот и измешајте. Потоа додајте го корнфлексот и измешајте за да се соединат состојките. 
  4. Во калап за мафини ставете од смесата. Со помош на мала чаша или толчник обликувајте гнезда. 
  5. Калапот ставете го во замрзнувач за време од 15-20 минути за да се стегни чоколадото. 
  6. Велигденските чоколадни гнезда извадете ги од калапот, а во внатрешноста ставете чоколадни јајца. На здравје!
велигденски чоколадни гнезда

Препорака од авторот:

Ако ви се допадна рецептот и сакате да го направите, а имате прашања – слободно пишете ми и пратете ми ги вашите фотографии од чоколадните гнезда. Ќе ми биде задоволство да ги погледнам фотографиите и споделам на моите профили на Facebook и Instagram. Следете ме на:

Разгледајте дел од мојата галерија на солени и слатки рецепти.

Автор на рецепт и фотографии: Марија Кочовска@kocovska.marija.

Ви препорачуваме да прочитате: Велигденска трпеза – 3 брзи и лесни Витаминка рецепти.

Следете ја sezahrana.mk и на Instagram и Pinterest.

Сподели: