За љубителите на салата со макарони и туна, им подготвивме уште еден добар рецепт. Оваа салата е идеална за појадок или вечера, а за подготовка нема да потрошите повеќе од 30 минути. Салатата со макарони и туна можете да ја направите и за време на пости, така што обичниот мајонез ќе го замените со посен.
Состојки:
- 250 гр ситни макарони
- 2 конзерви туна
- 1 мала главица кромид
- 3 лажички мајонез
- 50 мл доматен сос или доматно пире
- сол, црн пипер и оригано
Подготовка:
- Во длабок сад на оган ставете вода да се вари. Кога водата ќе зоврие во садот додадете ги макароните и ставете малку масло. Повремено мешајте и варете ги за време од 10 до 15 минути. Сварените макарони исцедете ги.
- Кромидот ситно исечкајте го, а туната исцедете ја од маслото.
- Во поголем длабок сад ставете ги макароните, туната, ситно исечканиот кромид, зачините и убаво измешајте. Додадете го мајонезот и доматниот сос, и повторно измешајте.
- Приготвената салата со макарони и туна послужете ја и уживајте во нејзиниот вкус.
Рецептот го испратил: Клара Бос