Започнете го денот со кремасто и хранливо смути со портокали и банани! На овој начин ќе го обезбедите организмот со витамини и минерали, како витамините од групата Б, Ц, растителни влакна, калциум, калиум и бета-карорен. А, што е поважно ќе го намалите стресот, па затоа го препорачуваме смутите за време на празниците и сезоната на настинки и грип.
Вкусот е тропски и освежителен, па сигурни сме дека рецептот ќе му се допадне на секој.
Состојки:
- 2 банани
- 1 чаша свежо цеден сок од портокал
- 1 портокал
- ¾ чаша бадемово или ниско маслено млеко
- 1 мала лажичка екстракт од ванила
- 1 морков
- мраз (доколку не користите замрзнати банани, додајте мраз по желба).
Подготовка:
- Бананите исечете ги на парчиња и ставете ги да се замрзнат за време од 2 часа. Но, доколку не сте ги замрзнале, може да го направите смутито веднаш, само што ќе додадете мраз по желба.
- Портокалот и морковот исечете го на парчиња.
- Во блендер ставете ги сокот од портокал, млекото, екстрактот од ванила, замрзнатите банани, сечканиот портокал и парчињата морков.
- Доколку блендерот има опција за смути, вклучете ја опцијата и миксирајте ги состојките за време од 30 секунди до минути, додека добиете хомогена смеса.
- Готовото смути со портокал ставете ги во чаша и послужете го веднаш. На здравје!
Ви предлагаме да прочитате: Смуди од портокал и јаболко.