Досега сме имале рецепт за греено вино со портокал и јаболко, а сега е време за нешто ново. Ви го претставуваме рецептот за греено вино со мед и лимон.
Она што е карактеристично при подготовка на греено вино се зачините кои се користат. Најчесто може да се додаде каранфилче, морско оревче, цимет, кора од портокал… А во овој рецепт избравме цимет и зрна црн пипер. Плус тоа, комбинацијата на црвено вино со мед се вклопува совршено! Грееното вино по овој рецепт е благо, па слободно експериментирајте со количината на мед и направете го баш по ваш вкус.
Состојки:
- 750 мл црвено вино
- ¾ чаши вода
- ¾ чаши мед
- 15 зрна црн пипер по желба
- 1 стапче од цимет
- кора од еден лимон.
Подготовка:
- Во тенџере на оган ставете ги виното, водата, циметот, пиперот и медот (ако не обожавате многу благо вино, додавајте мед по потреба). Виното греете го додека забележите пареа и почне малку да вари.
- Готовото греено вино со мед турете го во стаклени чаши. Сервирајте го со кора од лимон и стапчиња цимет по желба. На здравје!
Ви предлагаме да прочитате: Едноставнo подгответе домашно греено вино.