Сите ние сме слушнале за домашен путер од кикиритки, а и не е тоа така случајно, вкусот му е навистина одличен. А, сега, како обожаватели на тропските и егзотични вкусови, ќе ви го презентираме рецептот како да направите путер од кокос.
Од неколку основни намирници и тоа сами дома, на едноставен начин можете да направите вкусен и ароматичен путер од кокос. Кокосовото масло, кое е една од намирниците во состав на путерот е одлично и има многу намени, па можете да го користите и за подготовка на домашен пилинг за тело.
Состојки:
- 450 гр незасладен кокос
- 2 лажици растопено кокосово масло
- малку сол.
Подготовка:
- Подготовката на путерот од кокос е едноставна, но потребен ви е кујнски апарат како мултипрактик или блендер.
- Ставете ги сите состојки во блендерот и оставете да се блендаат најмалку 1 минута, додека кокосот повторно не се претвори во мрвици.
- Отворете го капакот и истружете ги наслагите од ѕидовите, па повторно пуштете го да блендира уште неколку минути.
- Постапката повторувајте ја додека добиете путер.
- Готовиот путер од кокос складирајте го во тегличка и чувајте го на темно и ладно место.
Ви препорачуваме да прочитате: Направете сами путер од кикиритки.