Омилените колачиња на многумина приготвени во кујната на Сѐ за храна! Совршен рецепт за крем пита со пудинг, идеален за слави и секакви свечености. Време е да си подготвите слатко, кремасто уживање за себе и за своите најблиски. Тоа ќе биде супер прилика да ги поканите пријателите и да помините убави моменти со засладување и добар разговор.
Кремастата текстура и богатата арома на ванила за миг ќе ве натераат да заборавите на сè друго освен на дегустацијата на ова фантастично колаче.
Состојки:
- 500 грама лиснато тесто
- 4 јајца
- 14 лажици шеќер
- 1 литар млеко
- 1 литар вода
- 3 ќесички прашок за пудинг од ванила
- 1 ќесичка шлаг крем од ванила од Витаминка
- 6 лажици брашно
- 2 ќесички желатин
- шеќер во прав за наросување од Витаминка.
Подготовка:
- Лиснатото тестото поделете го на два дела. Деловите исучете ги во форма на правоаголни кори. Едната кора пресечете ја на коцки, но не го пресекувајте тестото до крај.
- Тавата за печење премачкајте ја со путер или маргарин. Ставете ги корите и избоцкајте ги со виљушка на неколку места.
- Печете во загреана рерна на 220 степени за време од 10 до 15 минути, додека корите поруменат. Печените кори оставете ги да се изладат.
- Водата ставете ја во сад на оган на висока температура да се вари.
- Белките одделете ги од жолчките. Белките и жолчките ставете ги во два различни садови за матење.
- Во садот со жолчките додајте 10 лажици шеќер и изматете со миксер за време од 3 до 4 минути. Потоа додајте 400 мл млеко и измешајте.
- Во длабока чинија ставете ги пудинзите, шлаг кремот од ванила и брашното. Измешајте со лажица.
- Смесата со пудинзите додајте ја во садот со жолчките и кратко изматете со миксер.
- Во садот со белките додајте 4 лажици шеќер и изматете ги со миксер за да добиете густ шлаг.
- Желатинот ставете го во 50 мл ладна вода. Оставете го да набабри.
- Во зовриената вода додајте го преостанатото млеко. Штом зоврие додајте ја смесата со жолчки и пудинг. Варете за време од 4 до 5 минути додека се добие густ крем. Потоа додајте ги изматените белки и измешајте за да се соедини филот. Тенџерето тргнете го од огнот, додајте го желатинот и мешајте додека се растопи.
- Во тавата со целосната кора од лиснато тесто ставете го топлиот фил. Оставете да се излади.
- На крај додајте ја кората од лиснато тесто пресечена на коцки. Исечете парчиња, наросете ги со шеќер во прав и послужете ги веднаш. Уживајте во светот на вкусовите со Витаминка!
Совет плус: Најдобро е крем питата да ја оставите во фрижидер преку ноќ, а потоа да ја послужите.
Ви предлагаме да прочитате: Посна ледена коцка со пудинг.
Следете ја sezahrana.mk и на Instagram и Pinterest.
*Спонзориран рецепт.