Брза, кремаста и вкусна! Летото е идеално за брзи рецепти и дружење со пријателите. А штом ви се најават гости, почестете ги со летната крем салата со шарена сол. Потребни ќе ви бидат 10-тина минути за подготовка, а резултатот ќе ве воодушеви. Најдобро од се е тоа што секој може да ја направи без разлика на кулинарските вештини.
Претходно пишувавме што е шарена сол и во кои јадења може да се вклучи, па инспирирани од ароматичната шарена сол од Рајска градина, приготвивме супер салата. Ви препорачуваме да ја пробате летната крем салата уште денес!
Состојки:
- 4 јајца
- 2 средно големи краставици
- 100 грама сирење
- 2 полни мали лажички шарена сол од Рајска градина
- 300 грама кисела павлака
- нане за декорација.
Подготовка:
- Во сад со вода ставете ги јајцата. Садот ставете го на оган, на умерено – висока температура. Штом водата зоврие, јајцата варете ги за време од 10 минути.
- Варените јајца излупете ги и исечете ги на мали коцки. Сечканите јајца ставете ги во длабок сад.
- Сирењето издробете го со виљушка и додајте го во садот со јајцата.
- Краставиците излупете ги и исечкајте ги на мали коцки. Додајте ги во садот со јајцата и сирењето, и измешајте.
- Во садот додајте ги шарената сол и киселата павлака. Измешајте и сервирајте ја салатата во чинии. Декорирајте со шарена сол и свежо нане!
Наша препорака за вас
Нашите пријатели од Рајска градина имаат вкусна шарена сол – блага и шарена сол – лута, кои лесно се вклопуваат во разни специјалитети. Составени се од пченка 80%, благ/лут буковец 10%, чубрица 5% и сол 5%. На големо задоволство за сите нас, може да ги најдеме лесно во сите поголеми маркети. Достапни се во ќесичка како на фотографијата во: Тинекс, Жито Велес, Стокомак, Грандпром Зур, Гиго Трејд, Принц, Гранап, Омер компани, Денар дисконт, МБ Илинден, Футура, Меше промет, Шопе, Карат, Семафор, Балкопром, Монтенегро.
Ви предлагаме да прочитате: Таратур салата – мезе и оброк.
*Спонзориран текст