Комбинацијата на јаболко и цимет ни е омилена. А штом станува збор за сочни мафини со пире од јаболка и цимет, тешко кој може да одолее.
Многу едноставен и лесен рецепт за мафини ни испрати Клара. Сликата кажува се, а на вас останува да ги направите и да ги дегустирате во првата прилика.
Состојки:
- 100 гр маргарин или путер
- 150 гр шеќер
- 2 јајца
- 80 мл млеко
- 250 гр брашно
- 1 лажица нишесте
- 1 прашок за печиво
- 2 јаболка
- шеќер во прав
- цимет.
Подготовка:
- Растопете го маргаринот во млекото и оставете го малку да подизлади.
- Во сад за матење ставете ги јајцата и шеќерот. Изматете ги со миксер додека шеќерот се растопи и се добие густа смеса.
- Во садот со изматените јајца додајте ги растопениот маргарин со млекото и измешајте.
- Во друг сад измешајте ги брашното, нишестето и прашокот за печиво.
- Смесата со брашно додајте ја во садот со матените јајца и измешајте со лажица додека се соединат.
- Наполнете ги калапите за мафини до висина од 2/3 со смесата.
- Јаболката исчистете ги и излупете ги. Изблендирајте ги јаболката во пире. Во зависност од киселоста и желбата за блажина додајте шеќер во прав, а спрема вкус додајте мелен цимет.
- Врз секој наполнет калап ставете по една полна лажица од јаболковото пире.
- Мафините печете ги за време од 10 минути во загреана рерна на 220 степени. Печените мафини со пире од јаболка извадете ги од рерната и оставете ги да се изладат.
- Одозгора по желба посипете ги со шеќер во прав измашан со цимет. На здравје!
Рецептот го испратил: Клара Бос.
Ви предлагаме да прочитате: Овесни мафини со јаболка без брашно.