Уживајте во вкусот на медитеранската салата со рукола, домати и сирење во својот дом! Започнете го ручекот со чинија полна бои и здравје.
Сигурно сте слушнале дека руколата е многу здрава, а ако барате начин како да ја вклучите во исхраната, оваа салата е прав погодок.
Состојки:
- 4 домати
- неколку листови рукола
- 1 краставица
- ½ главица црвен кромид
- 8 маслинки
- 100 грама фета сирење
- 4 лажици екстра девствено маслиново масло
- сол по вкус.
Подготовка:
- Доматите исечете ги на коцки.
- Краставицата излупете ја, а потоа исечете ја на коцки.
- Кромидот исечете го на тенки ленти.
- Во длабок сад ставете ги сечканите домати, краставицата, кромидот и маслинките. Измешајте ги и додајте го маслиновото масло. Повторно измешајте и зачинете со сол по вкус.
- Во 4 чинии ставете од приготвената салата.
- Фета сирењето исечете го на парчиња. Парчињата фета сирење наредете ги врз салатата во секоја од чиниите. На крај додајте ги листовите рукола. Готовата салата со рукола и домати послужете ја веднаш. На здравје!
Ви предлагаме да прочитате: Рецепт за шопска салата.