Здрава, свежа салата којa може да ја послужите како додаток на ручекот или да ја консумирате за вечера. Оваа свежа салата со марула е една од нашите омилени со вкусен прелив од јогурт, па со задоволство ја споделуваме со вас.
Потрагата по здрави и вкусни рецепти е наш приоритет и императив, па повелете уште еден вкусен и здрав рецепт. Неговиот хранлив состав е креиран специјално за да се чувствувате енергично и исполнети со свежина во текот не целиот ден. Изобилува со свежи намирници кои му обезбедуваат витамини, минерали и растителни влакна на организмот, како и корисни протеини и пробиотици.
Состојки:
- 7-8 листови марула
- ½ краставица
- 1 варено јајце
- 50 грама рендано сирење.
За прелив:
- 50 мл јогурт
- кари, куркума, мелен црн пипер
- свеж сок од ½ лимон
- хималајска сол по вкус.
Подготовка:
- Листовите марула измијте ги и исечкајте ги на ленти.
- Краставицата излупете ја и исечете ја на кругови.
- Јајцето излупете ги и исечете го на кругови.
- Во мал длабок сад ставете го јогуртот, додајте го сокот од лимон и зачинете со кари, куркума и мелен црн пипер. Измешајте ги состојките и посолете по вкус.
- Марулата измешајте ја со сосот од јогурт.
- Во чинија за сервирање ставете ја марулата, покрај неа наредете ги круговите краставица, а од другата страна ставете го сечканото варено јајца.
- Врз марулата ставете го ренданото сирење. Готовата свежа салата со марула послужете ја веднаш. На здравје!
Ви предлагаме да прочитате: Салата со марула, брускети и пармезан со сос од јогурт.