Имаме нов рецепт! Со оглед на тоа што сезоната на лубениците започна, време е и ние да започнеме со експериментирање во кујната и подготовка на интересни рецепти. Ако сте љубители на смуди, тогаш издвојте малку време и пробајте нешто ново. Ви предлагаме несекојдневен рецепт за смуди со лубеница и банана, кое е вистинско освежување во летните денови.
Од лубеницата може да се направат многу нешта. Можеби досега сте ја јаделе само свежа, а сега имате можност да испробате смуди со лубеница и лимон, како и сок од лубеница. А ако обожавате рецепти со лубеница, пробајте и:
Состојки:
- 1 ½ чаша лубеница (со отстранети семки)
- 1 замрзната банана
- 1 јаболко, излупено и исчистено од семките
- ¾ чаша кисело млеко или јогурт со мал процент на масти
- мед или сируп од агаве за засладување.
Подготовка:
- Во блендер ставете ја лубеницата. Миксирајте за време од околу 1 минута додека се добие хомогена смеса.
- Сокот од лубеницата процедете го низ сито.
- Потоа, повторно вратете го во блендерот и додајте ја бананата, јаболкото, киселото млеко и медот. Бледнирајте ги состојките додека се добие каша. Засладете по желба.
- Готовото смуди со лубеница послужете го веднаш. На здравје!
Ви предлагаме да прочитате: Летно смуди од лубеница.