Повкусен него купечките! Колачите со вкус на портокал и чоколадо ни се омилени. А рецепт за едноставен, сочен и вкусен колач со портокал, дополнет со аромата и шмекот на црното чоколадо ни испрати Клара.
Таа ни препорачува да го пробаме, затоа што овој колач сочноста ја задржува и во наредните денови!
Состојки:
- 80 гр маргарин на собна температура
- 130 гр шеќер
- 3 јајца
- 100 мл слатка павлака
- 200 гр брашно
- 1 ќесичка прашок за печиво
- 1 поголем портокал
- 50 гр сечкано чоколадо
- 50 гр кандирани цитруси (многу ситно сецкани).
Подготовка:
- Загрејте ја рерната на 180 степени. Изрендајте ја кората од портокалот, па потоа излупете го. Ренданата кора тргнете ја на страна, а портокалот ставете го во блендер и изблендирајте го убаво.
- Во сад за матење, најпрво изматете го омекнатиот маргарин со шеќерот. Потоа додавајте ги јајцата едно по едно, при што ќе матите околу 1 минута до додавањето на секое следно.
- Потоа, додајте ја слатката павлака, па намалете ја брзината на миксерот и постепено ставајте од брашното предходно измешано со прашокот за печиво.
- На крај, додајте го пирето од портокал, сечканото чоколадо и кандираните цитруси и со помош на лажица измешајте убаво за да се добие хомогена смеса.
- Смесата истурете ја во намрсен правоаголен силиконски калап за леб или ако немате таков, во лимен, кој ќе го обложите со хартија за печење.
- Калапот ставете го да се пече во загреана рерна за време од 45 минути.
- Печениот сочен колач со портокал оставете го да олади во калапот, па потоа извадете го од него.
- Исечете го на парчиња и посипете го со шеќер во прав. На здравје!
Рецептот го испратил: Клара Бос.
Ви препорачуваме да прочитате: Божиќни колачи со портокал и рум.