чоколадни мафини со џем од јагоди

Чоколадни мафини со џем од јагода

Чоколадо и јагода! Омилена комбинација за сечиј вкус. А кој може да одолее на чоколадни мафини со џем од јагода? – Вкусни, сочни, омилени на сите! Кога еднаш ќе го пробате овој рецепт за мафини, ќе ги правите постојано.

Направете ги и подарете ги со љубов! Засладувајте се и славете ги убавите мигови со саканите. Секој ден нека биде ваш празник на љубовта и семејството. Убавото кај овој рецепт е тоа што може да додавате состојки по свој вкус. Па така, по желба може да додадете лешници, ореви, бадеми, суво овошје или боровинки.

чоколадни мафини со џем од јагоди

Состојки:

  • 1¾ чаши брашно
  • 2 лажички прашок за печиво
  • ½ лажичка сода бикарбона
  • 3 лажички какао
  • ¾ чаша шеќер
  • ¾ чаша чоколадни капки
  • 1 ќесичка ванилин шеќер
  • 1 чаша млеко
  • 1/3 чаша масло
  • 1 големо јајце (кратко изматено со миксер)
  • 12 лажици џем од јагода од Рес-Ком.

За декорација:

  • 1 ќесичка шлаг пена
  • 125 мл млеко
  • шеќерни украси по избор.

Подготовка:

  1. Калапот премачкајте го со путер или пак обложете го со хартиени корпи за мафини.
  2. Во длабок сад ставете ги сувите состојки – брашното, шеќерот, прашокот за печиво, содата бикарбона, какаото, ванилиниот шеќер и чоколадните капки. Измешајте ги за да се добие хомогена смеса.
  3. Во друг сад ставете ги течните состојки – млекото, маслото и изматеното јајце. Изматете ги со жица за матење.
  4. Потоа, течните состојки додајте ги во садот со сувите состојки и добро измешајте додека се изедначи смесата.
  5. Готовата смеса за мафини расподелете ја во калапот. Од оваа смеса ќе добиете 12 мафини.
  6. Мафините печете ги во претходно загреана рерна на 200 степени за време од 18 до 20 минути.
  7. Печените мафини оставете ги да се изладат. Потоа секој мафин вдлабнете го со нож или лажица и во средината ставете по 1 лажица џем од јагоди од Рес-Ком.
  8. Во сад за матење ставете ја шлаг пената и додајте млеко. Изматете со миксер за време од 3 до 5 минути додека добиете цврст шлаг. Со помош на готварски шприц декорирајте ги мафините. На крај ставете шеќерни украси по желба. На здравје!

Препорака од нас:

Од богатата палета на Рес-Ком може да пронајдете џем од јагода, џем од праска и џем од слива. А по желба, џемот може да го заменете со мармалад од кајсија, шипка, мешано овошје или слива. Кој и вкус да го изберете ви гарантираме сочни и вкусни мафини!

џем од јагоди

Ви препорачуваме да прочитате: Домашни кроасани со мармалад.

Следете ја sezahrana.mk и на Instagram и Pinterest.

*Спонзориран рецепт.

Сподели: