Уживајте во вкусот на италијанската кујна во својот дом! Благодарение на Бетина, може да направите шпагети пронто во сос од домати и туна.
Звучи вкусно нели? Ние би рекле дека толку добар рецепт ретко може да се вкуси во рестораните. Искористете ја приликата и пригответе нешто интересно.
Состојки:
- 400 г шпагети
- 1 главица кромид
- масло по потреба
- 1 конзерва (400 г) сечкани домати
- 4-5 лажици сварена пченка
- 1 лажиче оригано
- сол и мелен црн пипер на вкус
- 1 конзерва (185 г) туна во масло
- пармезан по потреба.
Подготовка:
- Шпагетите ставете ги да се варат посолена вода. Варете ги согласно времето кое е наведено на пакувањето.
- Туната исцедете ја од маслото.
- Кромидот исечкајте го на тенки прстени.
- Во поголема тава или тенџере на оган ставете масло да се загрее. Во загреаното масло додајте го кромидот. Откако ќе зацрвени, ставете ги доматите и пченката, додајте го ориганото, посолете и зачинете со мелен црн пипер.
- Оставете го сосот да се крчка на средна температура околу 5 минути.
- Во тавата додајте ја туната, се заедно убаво измешајте и оставете да се загрее околу 1 минута.
- Ставете ги сварените шпагети во сосот, измешајте убаво и послужете одозгора со нарендан пармезан.
- На здравје!
Рецептот го испратил: Б. Кузевски, Зготвено со љубов – Рецепти од мојата кујна.
Ви предлагаме да прочитате: Шпагети со сирење и црн пипер „Cacio e Pepe“.