Супер и тренди рецепт на кој нема да останете рамнодушни и да не ги направите популарните ѓевречиња со сланина. Меки и многу вкусни, а лесни за подготовка. Ве охрабруваме да ги деустирате иако можеби не сте многу вешти во кујната.
Состојките се едноставни и сигурно ги имате дома, затоа не губете време и фатете се за работа. Одлични се за појадок, а добро е што може и да ги замрзнете. Ако ви останале и сте ги замрзнале само загрејте ги и ќе бидат како свежо печени. Испорбани и приготвени од нашиот тим
Состојки:
- 1 кг брашно
- 500 мл млако млеко
- 150 мл масло
- 1 ќесичка сув квасец
- 1 лажичка сол
- 1 лажичка шеќер
- 2 жолчки
- 300 г сланина исечена на тенки ленти.
За премачкување:
- 2 белки
- сусам и ленено семе.
Подготовка:
- Во тенџере ставете го млекото и загрејте го (да не е жешко).
- Во длабок сад ставете ги брашното, квасецот, солта, шеќерот и жолчките.
- Загреаното млеко постепено додавајте го во садот со брашното и замесете тесто.
- Добро измесеното тесто вратете го во садот, покријте го со кујнска крпа и оставете го да нарасне за време од 30 минути.
- Потоа формирајте топчиња во големина колку едно јаболко.
- Секое топче едно по едно исучете го во правоаголна кора, а потоа пресечете го на половина по должина. На едната половина ставете од сланината, а со другата половина преклопете.
- Вака преклопените половинки извртете ги во формана спирала и едниот со другиот крај залепете ги притискајќи ги една над друга. Потоа формирајте ѓеврече.
- Ѓевречињата редете ги на плех обложен со хартија за печење. Белките кратко изматете ги со виљушка.
- Одкако ќе ги доредите сите ѓевречиња, премачкајте ги со изматените белки и наросете ги со сусам и ленено семе.
- Подготвените ѓевречиња печете ги во претходно загреана рерна на 200 степени 25 до 30 минути. На здравје!
Ви препорачуваме да прочитате: Интегрални варени ѓевречиња.