Секој ден е идеален ден за тестенини во сос! Покрај, карбонара и болоњезе, ви препорачуваме да ги испробате тестенините во бел сос. Послужете ги со парче месо и имате комплетен оброк за ручек или вечера!
Време е за промена на менито и испробување на нови рецепти. Па, ајде да започнеме:
Состојки:
- 400 г свинско месо од Агриа (плешка, каре или бут по избор)
- 2 лажици масло
- 1 пакетче тестенини по избор
- 3 лажици несолен путер
- 2 мали лажички сечкан лук
- 3 лажици брашно
- 1 чаша млеко
- 1 чаша пилешки бујон
- 1 чаша рендан кашкавал
- 2 мали лажички сушен магдонос
- Сол, лук во прав и мелен црн пипер по вкус.
Подготовка:
- Тестенините пригответе ги според упатството. Исцедете ги и оставете ги додека го припремате сосот.
- Свинското месо исечете го на помали парчиња и зачинете го со црвена пипер, чили зачин, лук во прав и мелен црн пипер.
- Во тава на оган ставете 2 лажици масло и 1 лажица путер. Штом путерот се растопи додајте ги парчињата месо. Пржете го месото од двете страни додека порумени.
- Во тенџере на оган ставете го путерот да се растопи. Додајте го лукот и пропржете го 1 минута. Потоа додајте го брашното и пропржете го исто, околу 1 минута. Додајте го млекото и бујонот и мешајте со жица додека сосот се згусти, за време од 5 минути.
- Во садот додајте ги кашкавалот, магдоносот, лук во прав и мелен црн пипер. Продолжете со мешање додека кашкавалот се растопи. На крај додајте ги исцедените тестенини и измешајте.
- Во чинии ставете од тестенините, а над нив додајте парчиња месо. Послужете ги додека се топли. На здравје!
Совет плус:
Секогаш кога готвиш, готви со љубов и со најдобрите состојки. Набавувај свежи, македонски производи и поддржи ја македонската економија и компании. Набави домашно свежо месо од Агриа. Агриа имаат свои фарми, кланица и фабрика за производство на сточна храна? Така се заокружува принципот од „нива до трпеза“ и се добиваа месо со најдобар квалитет. За повеќе новости, следи ги Агриа на:
Може да те интересира: Макарони со ќофтиња од мелено месо во сос.
*Рецептот е овозможен од Агриа.