Дали го следевте новото кулинарско шоу Kitchen wars во партнерство со Подравка на Ig live на инстаграм профилот на @sezahrana.mk? Во вчерашната епизода готвевме заедно со Наташа и Мартина! Им дадовме исти состојки и ги предизвикавме да приготват нешто вкусно. За 20-тина минути ни подготвија кремасти тестенини, секоја на свој начин. Ајде да ги пробаме, а потоа и да гласаме кој рецепт ни се допаѓа повеќе! Што велите за предлогот?!
Објавивме предизвик за гласање, па може да го споделите вашето мислење и да го дадете својот глас. Останете со нас, а рецептите се следните:
Потпечени тестенини во крем сос – Медитеранска рапсодија
Наташа ни приготви потпечени тестенини во крем сос. Вкусна комбинација на доматен сос и сирења која веруваме ќе го освои сечиј вкус!
Состојки:
- 350 г пене тестенини со јајца од Злато поље (може да се користат и макарони)
- 3-4 лажици Passata доматен сос од Подравка
- 150 мл павлака за готвење
- 100 г путер
- 50 г моцарела
- 150 г рендано сирење (гауда, пармезан, моцарела, козји сир)
- Vegeta Maestro зачини – босилек, оригано, лук во прав, мелен црн бибер.
Подготовка:
- Моцарелата (50 г) ја ставаме во средината на тавата (20 cm x 30 cm) и ги додаваме варените тестенини.
- Над тестенините ставаме од павлаката за готвење, путер исечкан на коцки и зачинуваме со босилек, оригано, лук во прав, мелен црн бибер и сол по вкус.
- Над сирењето во средина се додава доматниот сос.
- Ренданото сирење го ставаме врз тестенините. Тавата ја ставаме во загреана рерна на 200 степени и печеме 20 минути. На здравје!
Автор на рецептот: Нашата Мустафа – @natasaemil.
Паста во доматен сос со печурки и сирење
„Пене паста, доматен сос, безброј зачини и многу сосови! Сѐ комбинирано заедно дава еден перфектен спој на вкусови.“ – вели Мартина.
Состојки:
- 200 г пене тестенини со јајца од Злато поље
- 400 мл Passata доматен сос од Подравка
- 100 г печурки
- 5-6 сечкани маслинки
- 1 ќесичка Vegeta Fant сос од сирење
- 100 мл вода
- Vegeta Maestro зачини – чили и сол, оригано, лук во прав, мелен црн бибер и мелена слатка пиперка.
Подготовка:
- Тестенините сварете ги во зовриена вода.
- Во меѓувреме направете го сосот. На малку масло запржете ги печурките и маслинките околу 4-5 минути. Убаво зачинете со зачини по избор – мелен црн бибер, чили и сол, оригано, лук во прав и мелена слатка пиперка.
- Додајте го доматниот сос и оставете да прокрчка уште 3-4 минути.
- Во друг сад ставете 100 мл вода и додајте ја содржината од ќесичката Vegeta Fant сос од сирење. Измешајте и додајте ја мешавината во доматниот сос. Постојано мешајте и варете го сосот уште 5 минути.
- Во сосот додајте ги варените тестенини и убаво измешајте. Брз ручек или вечера готова за најмногу од 15 минути. На здравје!
Совет плус:
- Фант сосот од сирење го збогатува вкусот и ги прави тестенините покремасти. Одлична опција за замена на повеќе видови кашкавал.
Автор на рецептот: Мартина Трајаноска – @martinascookingg.
Ако го пропуштивте кулинарското шоу Kitchen wars, погледнете ја првата епизода:
Ви препорачуваме да прочитате: Запечено свинско во кремаст сос од печурки.
*Спонзориран рецепт.