Свинско филе со зачини мала

Сочно, печено свинско филе во сос од путер и зачини

Најдобриот рецепт за подготовка на печено свинско филе во сос е токму овој! Приготвено како од елитен ресторан, во комбинација на ароматични зачини и маринада која му дава сочност во првиот залак.

Гурмани и љубители на префинетите јадења, овој рецепт е за вас! Послужете го со кремасто пире со блитва и препуштете се на кулинарската магија. Секој може да биде супер готвач со рецептите на sezahrana.mk! Ги бираме најдобрите состојки, а за подготовката на овој рецепт ви го препорачуваме свежото свинско месо на Агриа. Посетете ги месарниците на Агриа во Битола, Штип и Велес или побарајте свинско филе во Рамстор и Тинекс маркетите. 

печено свинско филе во сос од путер

Состојки:

  • 1 кг свинско филе од Агриа (2 парчиња)
  • ¼ чаша крупна сол
  • 4 чаши млака вода
  • 2 лажици јаболков оцет
  • 2 лажици кафеав шеќер
  • 1 чаша мраз
  • 2 лажици масло
  • 2 лажици свежо цеден сок од лимон
  • 3 лажици путер.

За мешавина од зачини:

  • 1 лажичка чили во прав
  • 1 лажица лук во прав
  • 1 лажичка сол
  • 1 лажичка кромид во прав
  • ½ лажичка чадена црвена пипер
  • ¼ лажичка црн пипер.

Дополнително:

  • ½ лажичка сув магдонос, оригано, босилек и мајчина душица.

Подготовка:

  1. Пушти ја рерната да се загрева на 200 степени. Припреми два листови од алуминиумска фолија, малку подолги од парчињата месо. 
  2. Во пластична ќеса за замрзнување стави ги солта и топлата вода. Измешај ги додека солта се растопи. Потоа додај ги јаболковиот оцет, шеќерот, мразот и парчињата свинско месо. Затвори ја ќесата и остави го месото да се маринира 20 минути. 
  3. Потоа, извади го месото од маринадата, исплакни го и исуши го со кујнска хартија.
  4. Во мал сад стави ги зачините и направи ја мешавината. Убаво зачини ги парчињата месо од сите страни. 
  5. Во поголема тава стави 2 лажици масло. Тавата стави ја на оган на средно висока температура. Штом маслото се загрее, додај едно парче месо и пропржи го кратко од секоја страна. Месото треба да се запржи и добие златеста боја. Парчето месо стави го во средината на алуминиумската фолија. 
  6. Зачини го со преостанатите зачини (магдонос, босилек, оригано…), попрскај го со сокот од лимон и стави три коцки путер. Затвори ја фолијата од сите страни. 
  7. Печете го на 200 степени, околу 25 минути додека свинското месо достигне температура од 65 степени во внатрешноста. На овој начин месото ќе биде сочно и малку розово во средината. За да ја провериш температура, внимателно отвори ја фолијата и измери со кујнски термометар. По потреба продолжи го печењето. 
  8. По печењето, подотвори ја фолија и остави го месото да отстои 5 до 10 минути. Потоа исечи го на парчиња. По желба посоли го и зачини го со мелен црн пипер. По сервирањето во чиниите, полијте го со сосот од путер кој останал во фолијата.  

Дали знаеш дека?

Агриа имаат свои фарми, кланица и фабрика за производство на сточна храна? Така се заокружува принципот од „нива до трпеза“ и се добиваа месо со најдобар квалитет. Македонско, свежо и вкусно!

Печено свинско филе во сос - Агриа

Може да те интересира: Печено свинско месо со компири во гурмански сос.

*Рецептот е овозможен од Агриа.

Сподели: