Катерина овој пат не изненадува со вегетаријански плескавици од леќа. Супер се за ручек во комбинација со салата, а може да си направите и вегетаријански сендвич.
Лесно и едноставно се прават, а комбинацијата на состојки ветува одличен вкус. Ајде да ги пробаме!
Состојки:
- 110 гр леќа
- 25 гр кус кус
- 1 главица кромид
- 1 чешне лук
- 3 гранчиња магдонос
- 1 лажица пченкарно масло
- по потреба брашно од наут
- 2 лажици пармезан
- по потреба масло, сол, црн пипер.
Подготовка:
- Во тенџере на оган ставете вода. Во водата додајте ја исчистената и измиена леќа. Сварете ја леќата и оставете да се подолади.
- Кус кусот ставете го во сад со 25мл вода. Покријте го садот со капак и оставете 7 минути да ја апсорбира водата.
- Во кујнски сечко или блендер ставете ги леќата, кус кусот, кромидот, лукот, пченкарното масло, магдоносот, пармезанот, малку сол и црн пипер.
- Сето тоа убаво измиксајте го.
- Истурете ја смесата во сад и по потреба додавајте брашно од наут, за да можете да обликувате плескавици.
- Земајте од смесата и формирајте плескавици.
- Пржете ги во тава со загреано масло на среден оган по 5-6 минути од секоја страна. Готовите плескавици од леќа извадете ги од тавата и ставете ги врз кујнска салфетка за да се впие вишокот на масло. Послужете ги додека се топли во комбинација со свежа салата, а може да ги искористите и за во сендвич. На здравје!
Рецептот го испратил: Катерина Милошевска Глигороска.
Ви предлагаме да прочитате: Едноставни ќофтиња од леќа.