Домашен чипс од цвекло • Сè за храна

Сите ние знаеме колку е цвеклото здрава и благородна намирница, но за жал малку е застапена на нашите трпези. Многу луѓе не го обожаваат неговиот специфичен вкус и целосно го исклучуваат од исхраната, а со тоа си ги ускратуваат сите благодети кои ни ги нуди. Но, новите зачини на Витаминка се тука да направат кулинарска магија и да ве мотивираат почесто да консумирате цвекло. Посетете го најблискиот маркет и набавете морска сол, црн бибер, ароматично оригано и Брилијант омега 3, а потоа препуштете се на кулинарската авантура. Направете крцкав чипс од цвекло и уживајте во есенските денови!

Цвеклото често се консумира како додаток во салати и сокови, и редовна намирница на сите лица кои страдаат од анемија. А сега е време за домашен чипс од цвекло кој е идеален и за најмалите. Ем ќе уживате, ем ќе направите нешто корисно за своето здравје.

Состојки:

2-3 средно големи цвекла
1/3 чаша Брилијант омега-3 масло
1 мала лажичка оригано од Витаминка
морска сол и свежо мелен црн бибер од Витаминка.

Подготовка:

Најпрво загрејте ја рерната на 200 степени.
Цвеклото добро измијте го од земјата, излупете го и исечете го на тенки кругови.
Во мал, длабок сад измешајте ги Брилијантот, морската сол, црниот бибер и ориганото. Со вака подготвениот прелив премачкајте ги круговите цвекло и наредете ги во плех за печење во еден слој, за да може рамномерно да се испечат. Може и да ги наредите на решетката од шпоретот, бидејќи така воздухот подобро ќе циркулира од двете страни и на тој начин цвеклото ќе се испечи подобро.
Чипсот печете го околу 20 до 25 минути.
Потоа извадете го цвеклото од рерна, завртете го од другата страна и премачкајте го повторно со зачинетото масло.
Печете уште дополнителни 20 до 25 минути додека цвеклото постане крцкаво.
Повремено надгледувајте го процесот на печење и вадете ги круговите цвекло кои се веќе печени.
Печениот чипс од цвекло послужете го во комбинација со намаз или кечап по избор. Уживајте во светот на вкусовите!