„Брзо, едноставно и вкусно! Овие ќофтиња од пилешко месо и грашок вреди да се најдат на вашето мени. Ако сакате да го воодушевите семејството со некое ново јадење, пробајте ги овие ќофтиња! Подготовката е многу лесна, а вкусот многу добар, па верувам дека веднаш ќе ве освојат! – препорачува Катерина од нашиот тим.
„Доколку не знаете што да подготвите денес за ручек, ова е супер вкусен предлог. Неверојатно вкусен и брз рецепт за ќофтиња од пилешко месо и грашок со состојки кои постојано ги имате во домот. Може да ги послужите во комбинација со свежа салата по избор и да уживате во светот на вкусовите!“ – додава Катерина Шамбевска Спасеновска, а за повеќе интересни рецепти од неа, погледнете го нејзиниот Инстаграм профил @katerina.shambevska.
Состојки:
- 400 г мелен пилешки стек
- 100 г варен и исцеден грашок
- 1/2 лажица Дафинка
- сол и црн бибер од Витаминка по вкус
- 1 јајце
- 1 лажица Витанез или 2 лажици Брилијант масло
- 2 лажици млеко
- малку брашно за да се соедини смесата и да се оформуваат ќофтињата.
Подготовка:
- Стекот измелете го во машина за мелење и ставете го во поголем сад.
- Во друг сад ставете го грашокот да се вари. Потоа, исцедете го и измешајте го со мелениот стек.
- Во садот со месото додајте ги јајцето, млекото, зачините и брашното по потреба. Потоа, убаво измешајте за да добиете хомогена смеса.
- Од соединетата смеса со помош на лажица формирајте ќофтиња.
- Ќофтињата може да ги испржите или да ги испечите. Ако ги пржите, ставете ги во тава со Брилијант масло и пржете ги на средна температура. Доколку ги печете, ставете ги во тава обложена со хартија и печете ги во претходно загреана рерна на 220 степени за време од 20-25 минути.
- Готовите ќофтиња послужете ги додеа се топли со гарнир и свежа салата по избор. Уживајте во светот на вкусовите!
Автор на рецепт: Катерина Шамбевска Спасеновска, @katerina.shambevska.
Ви препорачуваме да прочитате: Печен помфрит од компири и тиквички на лесен начин.
Следете ја sezahrana.mk и на Instagram и Pinterest.
*Спонзориран рецепт.