Ловечки шницли во сос • Сè за храна

Овие топли денови искористете ги за прошетки, а помалку време поминувајте во кујната! На sezahrana.mk ќе најдете голем број брзи рецепти, како што е и овој рецепт за сочните ловечки шницли во сос. Совршено ќе се вклопат во вашата летна агенда, а веруваме дека и за брзо време ќе ги снема од масата.

Секој од нас е во потрага по вкусни, а брзи и едноставни рецепти. Овие ловечки шницли се лесни за подготовка, и потребни се само неколку состојки. Направете вкусен деликатес кој ќе им се допадне на сите!

Состојки:

500 г свински шницли од Агриа (може да користите и телешко, јунешко месо)
2 чешниња лук
2-3 лажици масло
2 лажици брашно
мелена црвена пиперка
вода по потреба
црн пипер во зрно
мешан зачин и сол по вкус
магдонос.

Подготовка:

Свинските шницли исечете ги на подебели парчиња и исчукајте ги со помош на кујнски чекан.
Лукот исечкајте го и ставете го во помал сад.
Свинските шницли ставете ги во загреано масло и кратко пропржете ги. Кога малку ќе поруменат, извадете ги од тавата.
Во истото масло пропржете го лукот и додајте 2 лажици брашно, мелена пиперка, црн пипер во зрно и зачини по желба. Додајте вода и оставете да проврие за да добиете сос.
Шницлите вратете ги во тавата и варете додека омекнат. За време на варењето по потреба додавајте вода. По желба можете да ги издинстате во експрес лонец. На тој начин ќе бидат помеки.
Кога шницлите ќе бидат готови, врз нив посипете сечкан магдонос. Послужете ги со помфрит и свежа салата по желба. На здравје!

Наша препорака:

Ловечките шницли може да ги направите и со телешко/јунешко месо. А највкусни ќе бидат доколку користите свежо месо. Изберете свежо свинско или телешко месо од Агриа. Ние долги години сме задоволни корисници, па затоа и ги препорачуваме. Свежото свинско месо и телешко месо од Агриа може да го најдете во нивните месарници (Битола, Велес и Штип). Свинското месо е достапно и во Тинекс и Рамстор маркетите. За сите новости посетете ја веб страницата на Агриа и следете ги на нивната фан страница на Facebook.