Кој би рекол дека од толку едноставни состојки може да се креира нешто толку елегантно и вкусно, нели? На страницата на нашата пријателка trydiani го откривме прекрасниов рецепт за подготовка на модри патлиџани на португалски начин и знаејќи дека во нашите домови овој начин на подготовка не е толку познат, го споделуваме рецептот да биде достапен за сите нас.
Состојки:
За 6 порции:
- 3 средно големи модри патлиџани
- 3 јајца
- 2 лажици масло
- 250 гр изронето сирење (козјо, кравјо или овчо, а може и микс)
- магдонос
- сол и црн пипер по вкус
- 1 чешне лук
- 1 лажица семки од тиква
- 50 гр кашкавал за наросување одозгора.
Подготовка:
- Модрите патлиџани се мијат, се издлабуваат и внатрешноста се печи на умерена температура и се пасира во глатко пире.
- Белките со прстофат сол, се разбиваат во цврст снег.
- Пасираната внатрешност од модрите патлиџани се става во одделен сад и кон неа се додаваат маслото, изронетото сирење, иситнетото чешне лук и исечканиот магдонос. Смесата убаво се меша, а потоа се додаваат жочките, сол по вкус и црн пипер. Со вака приготвената смеса се полнат модрите патлиџани.
- На крај додајте ги претходно изматените белки, а одозгора наросете со рендан кашквал и семки од тиква.
- Печете во претходно загреана рерна на 200 степени, за време од 20 минути.
Најдобро сервирајте додека е топло, а и ладните модри патлиџани подготвени на португалки начин имаат одличен вкус исто така. На здравје!