Постојат многу рецепти, но секогаш со задоволство се навраќаме на традиционалните и најубави вкусови од детството. Таков е и овој рецепт за мраморниот, шарен куглоф со портокал. Кој може да одолее на чаша топло кафе и домашен колач со арома на портокал и чоколадо?
Прифати го кулинарскиот предизвик и приготви го овој колач. Сочен и вкусен, сладок украс на сечија трпеза. Може да го декорираш по желба со шеќер во прав, овошје, гранчиња рузмарин и да ја збогатиш трпезата за слава, именден, или едноставно направи го за викенд засладување.
Состојки:
- 4 јајца
- 1,5 чаши шеќер
- 1 чаша масло
- 1 чаша млеко
- 2,5 чаши Екстра бело брашно од Жито Лукс
- 1 ќесичка прашок за печиво
- 1 ќесичка ванилин шеќер
- Рендана кора од 1 портокал
- 1 – 2 лажици какао
- 100 г чоколадо за декорација
- 50 г бело чоколадо за декорација.
Подготовка:
- Издвојте ги белките од жолчките и ставете ги во сад за матење. Започнете да ги матите белките со миксер и постепено додавајте го шеќерот и ванилиниот шеќер. Матете додека добите цврст шлаг.
- Во друг сад за матење изматете ги жолчките, а потоа додајте го маслото и кратко изматете.
- Во садот со белките постепено додавајте ги жолчките и матете со миксер.
- Брашното просејте го во длабок сад. Додајте ги прашокот за печиво и ренданата кора од портокал. Измешајте и постепено додавајте ги во садот со изматените јајца.
Одвојте 1/3 од смесата и во неа додајте го какаото. - Калапот за куглоф намрсете го и набрашнете го. Ако користите силиконски калап, оваа постапка прескокнете ја.
- Во калапот за куфглов ставете ја жолтата смеса. Со помош на лажица и рамномерно излевање на одредени места или во вид на линии, распоредете ја чоколадната смеса за да ги оформите шарите.
- Вака припремениот шарен куглоф печете го во претходно загреана рерна на 200 степени, за време од 40 минути. Кон крајот на печењето проверете со чепкалка дали е испечен. Откако колачот ќе се испечи, оставете го да стои околу 15 минути, а потоа извадете го од калапот.
- Печениот куглоф оставете го да се излади, а потоа декорирајте го со растопено црно и бело чоколадо. На здравје!
Совети плус:
- За да бидеш сигурен дека нема да погрешиш, користи Екстра бело брашно од Жито Лукс. Екстра е и за колачи, за кифли, погачи…
- За да не ти се залепи куглофот на калапот, следи ги насоките: со силиконска четка премачкај го калапот со растопен путер или масло, а потоа да го пороси го со тенок слој брашно. Доколку користиш путер, премачканиот калап остави го неколку минути во фрижидер за да се стегне, а потоа посипи го со брашно. Калапот треба добро да се протресе, за брашното да се распореди рамномерно.
- За време на печењето, најважно е во првите 30 минути да не се отвора рерната.
Може да те интересира: Слаткарски водич: 5 важни совети за успешни десерти.
*Рецептот е овозможен од Жито Лукс.