Печено свинско месо со лук и рузмарин • Сè за храна

Меко, сочно и крцкаво! – Направете го највкусното печено свинско месо со лук и рузмарин за празниците. Тајната се крие во изборот на квалитетно парче месо, добар и испробан рецепт, маринада и печење на ниска температура.

Секоја празнична трпеза ја краси убаво приготвено парче месо. А, како вие го припремате месото за празниците, кој е вашиот омилен рецепт? – Посетете ја групата Сѐ за храна и споделете ги најубавите омилени рецепти.

Состојки:

2-3 кг свински бут од Агриа (може да користите и плешка, врат)
крупна морска сол по вкус
неколку гранчиња рузмарин
3-4 моркови со средна големина
масло по потреба
црн пипер и лук по вкус
12 ленти чадена сланина по желба.

Подготовка:

Парчето месо добро измијте го со ладна вода, на одредени места засечете го длабоко од двете страни (горната и долната страна). Посолете го со сол и истријте го со рузмарин.
Морковот излупете го и исечкајте го на кругови. Ставете го во длабок сад.
Во засеците на месото ставете сол, малку рузмарин и сечкан лук. Месото ставете го во садот со морковите и додајте го маслото. Садот покријте го со капак или најлонска фолија. Вака маринираното месо оставете го во фрижидер за време од 18-20 часа. Притоа, повремено превртувајте го и полевајте го со маслото.
Во тава за печење ставете ги морковите и додајте го свинското месо. Поклопете го со капак и печете го во загреана рерна на 150 -180 степени за време од 2-3 часа. За време на печењето, превртувајте го и преливајте го со маринадата.
На крајот од печењето (30-тина минути), извадете го капакот и продолжете со печење. По желба врз парчето месо ставете сланина исечена на тенки ленти. Така месото ќе добие крцкава кора.
Печеното месо сервирајте го со прилог по желба.

Наша препорака:

При набавката купувајте свежо месо од проверени производители, а наша препорака се Агриа. Месото е со врвен македонски квалитет, кој се должи на принципот од „нива до трпеза“. Свежото месо може да го најдете во месарниците на Агриа ширум земјава, а исто и во маркетите на Тинекс и Рамстор. Веруваме дека штом еднаш ќе го пробате свежото месо од Агриа, тоа ќе остане вашиот прв избор! За сите новости посетете ја веб страницата на Агриа и следете ги на нивната фан страница на Facebook.