Прекрасни чоколадни колачи со кокос, совршени за празнична трпеза! Обично ги подготвуваат за време на пости, или кога сакаат да се засладат со некој помалку калоричен десерт, а она што е важно е дека се подеднакво убави и со вода и со млеко, па слободно може да ја изберете својата омилена варијанта и вкус. Чоколадото може да биде бело или црно зависно од вашата желба, а исто така може да ги направите комбинирани, па да уживате во нивниот декоративен изглед.
Состојки:
- 300 мл вода
- 3 лажици нишесте
- 6 лажици шеќер
- 200 гр кокос
- 100 гр маргарин
- 2 лажици шеќер во прав
- 300 гр чоколадо за готвење
- 8 лажици масло.
Подготовка:
- Нишестето се вари во зовриена вода со шеќер и се остава да се излади. Маргаринот се мати со 2 лажици шеќер во прав и се додава кон варениот крем од нишесте.
- На крај се додава кокосот и смесата убаво се замесува, при што на крај треба да е погуста.
- Можете цела смеса да ја ставите во калап, па да се сечете на штанглички или директно да ја ставите во силиконски калапи обложени со чоколадо.
- Чоколадото се топи со 8 лажици масло, па калапите се премачкуваат (2-3 пати по потреба).
- Се полнат со смесата и се оставаат да се изладат.
Секое време е идеално време за колачи со кокос, а чоколадниот вкус и слатки вкусни сензации можат да го подобрат вашиот ден!
Рецептот го испратил: Даниела Џогова.