Доколку уживате во домашна подготовка на храна, добро би било да го пробате овој предлог рецепт за домашен кашкавал. Наместо да одите до првата продавница и да си купите, обидете се сами дома да си го подготвите своето омилено мезе и додаток во салати и разни други вкусни комбинации на јадења.
Состојки:
- 6 л млеко
- 2 лажици сол
- 3 лажици концентрирана оцетна киселина (есенција)
- по желба некои ароматични зачини во количина на 1 лажица (домашни суви зачини, ситно сечкан магдонос, оригано, ситно сечкан лук во прав, босилек, нане и слично).
Подготовка:
- Млекото ставете го да се вари заедно со солта и со повремено мешање оставете го да врие околу 10 минути, а потоа тргнете го од ринглата.
- Во врелото млеко, веднаш додајте ја оцетната киселина, па варете го уште 5 минути со непрекинато мешање.
- Со чиста газа обложете тенџере со големина од 2 литри, па преку газата турете го врелото млеко. Преклопете го со газата, а потоа врз него ставете некој тежок предмет и чувајте го така додека потполно се олади.
- Изладениот кашкавал ставете го во чинија и чувајте го во фрижидер, еден ден на едната страна, а другиот ден превртете го на другата страна и оставете го да се суши.
- Доколку сакате вашиот домашен кашкавал да има ароматичен вкус, по желба додадете домашни суви зачини, ситно сечкан магдонос, оригано, ситно сечкан лук во прав, босилек, нане и слично.
Припремата на домашниот кашкавал бара трпение и време, но кога ќе ги видите резултатите од својата работа, воопшто нема да зажалите за вложените труд и време.