Роловано свинско месо • Сè за храна

Ти треба идеја за неделниот ручек со семејството? – Имаме одличен предлог! Вкусно роловано свинско месо е избор кој ќе ја збогати трпезата и ќе ги воодушеви сите гурмани од најмали до најстари.

Комбинацијата на состојките ветува одличен вкус. Во продолжение погледнете што ви е потребно и започнете со подготовка. А најважно при подготовка на секое јадење е да користите квалитетни намирници набавени од проверени производители. Ви препорачуваме да ги посетите месарниците на Агриа во Битола, Штип и Велес, како и во Тинекс и Рамстор маркетите. Во нивните месарници може да најдете свежо месо од домашно производство кое се должи на принципот „од нива до трпеза“. Долгогодишното искуство и постојаниот квалитет ги прават Агриа еден од најдобрите македонски производители на свинско месо. Набавете месо со врвен квалитет и уживајте во вистински специјалитет направен од вашите раце!

Состојки:

650-700 г свинско филе од Агриа
4 лажици масло
2 ленти сечкана сланина
170 г шампињони
1/2 мала главица кромид
1 главица лук
2 лажици свеж магдонос
сол и црн пипер по вкус.

Подготовка:

Шампињоните, магдоносот, лукот и кромидот ситно исечкајте ги.
Рерната пуштете ја да се загрее на 200 степени.
Во тава, на средно висока температура, ставете 2 лажици масло. Ставете ја сечканата сланина и пржете околу 3-4 минути додека порумени.
Додајте ги шампињоните и кромидот. Пржете додека омекнат.
Зачинете по вкус и додајте ги магдоносот и лукот. Пржете уште една минута со постојано мешање, па префрлете го во посебен сад.
Отстранете ги жилите од свинското филе. Со остар нож исечете на средина, но внимавајте да не исечете до крај. Потоа, отворете го месото како книга, покријте го со најлонска фолија и израмнете го со кујнски чекан.
Филот со печурки рамномерно распоредете го врз месото. Внимателно завиткајте го во ролат и прицврстете ги краевите со чепкалки или врзете го со кујнски конец. Зачинете го ролатот со сол и црн пипер по вкус.
Тавата за печење ставете ја на рингла на средна температура и ставете две лажици масло. Откако маслото ќе се загрее, ставете го месото и кратко испржете го од сите страни. Потоа, тавата префрлете ја во рерна и печете 25-30 минути.
Готовото месо извадете го на даска за сечење и извадете ги чепкалките. По желба, месото прелијте го со течноста од тавата во која се печело. Оставете го месото 5-6 минути, а потоа исечете го на парчиња и послужете го. На здравје!