Време е за вкусен специјалитет од варени јајца! На блогот Kuhinjica Mignone нашата пријателка објави рецепт за руски полнети јајца, кои им се допаднале на целото семејство, па го сподели и со нас.
За да го направите овој рецепт потребни ви се неколку состојки и малку време, а одличниот вкус е веќе гарантиран.
Состојки:
- 4 тврдо варени јајца
- 75 грама туна од конзерва
- путер
- мајонез
- сол
- црн пипер
- свеж сок од лимон.
Подготовка:
- Јајцата пресечете ги на половина, а жолчките извадете ги и ставете ги во длабок сад.
- Жолчките испасирајте ги со виљушка. Туната исцедете ја од маслото.
- Во садот со жолчките додајте ја туната, малку путер и мајонез за да се поврзат состојките. Добро изматете ги, зачинете со сок од свеж лимон, додајте малку сол и црн пипер, па смесата ставете ја во готварски шприц и наполнете ги белките. Декорирајте со листови магдонос. Руските полнети јајца послужете ги со парчиња печен леб. На здравје!
Ви предлагаме да прочитате: 7 лесни рецепти за салати со варени јајца.