Креативните рецепти се оние кои ме освојуваат! Да се направи нешто вкусно, а да биде украс на трпезата. Таков е и овој рецепт за солените канапеи од леб! Подготовката ја снимив на видео и може да ја погледнеш во текстот.
Идеални се за роденденски забави, имендени, матурски и коктел забави… За да ги направиш потребен ти е тост леб од Жито Лукс. Јас користев тост леб XL кој има поголеми парчиња и совршено се вклопува во овој рецепт. А како додаток може да користиш салата по желба.
Состојки:
- 4 парчиња бел тост леб XL од Жито Лукс
- 4 листови марулка
- 3 парчиња чедар кашкавал во листови
- 4 шери домати исечени на четвртини
- гранчиња оригано за декорација.
Подготовка:
- Парчињата леб пресечете ги дијагонално, така што треба да добиете по 2 триаголници.
- Потоа исучете ги со оклагија.
- Триаголниците заролајте ги и прицврстете ги со чепкалка. Постапката погледни ја на видеото.
- Лебот ставете го во тава обложена со хартија да се пече во загреана рерна на 180 степени за време од 15 минути.
- Печените лепчиња оставете ги да се изладат. Чепкалките внимателно извадете ги со ротиирање.
- Во секое парче леб ставете марулка.
- Чедарот заролајте го, а потоа исечете го на три дела.
- Во секое парче леб ставете од чедарот, а потоа додајте парче домат. Декорацијата завршете ја со гранче оригано. На здравје!
Совети плус:
- Парчињата леб по печењето може да ги премачкаш со крем сирење.
- Наместо гранчиња оригано, можеш да искористиш мајчина душица или копар.
И за крај, ако ти се допадна овој рецепт и сакаш да погледнеш повеќе идеи, посети ги моите профили и заследи ме:
- Instagram – @kocovska.marija
- Facebook – Marija Kocovska
- Youtube – Marija Kocovska
- Tik Tok – @marija.kochovska.
Ако си во потрага по рецепти за свечената трпеза, погледни ги Солените корпици со крем салата – славски рецепт од Марија Кочовска.
*Рецептот е поддржан од Жито Лукс.