Претходно пишувавме за лековитите својства на сокот од калинка. Тоа ни беше доволна мотивација да пронајдеме добри и испробани рецепти и истите да ги споделиме со сите. Сега ќе може да си направите природен сок од калинка кој е моќен антиоксиданс.
Сокот од калинка може да го направите многу едноставно, со цедење на зрната на калинката. Но, истиот е многу подобар кога ќе се додаде лимон.
Состојки:
- 1 чаша свежи семки од калинка
- 2 лажици свежо цеден сок од лимон
- 1 ½ лажичка кафеав шеќер или мед по желба
- 1 ½ чаша вода
- 4 коцки мраз.
Подготовка:
- Прво извадете ги семките од калинката. За да го направите тоа брзо и едноставно, прочитајте како може за 10 секунди лесно да исчистeте калинка.
- Семките од калинката ставате ги во блендер и додајте ½ чаша вода. Блендирајте околу 5 до 10 секунди.
- Земете поголема сад и процедете го сокот низ цедалка. Добро притиснете со лажица за да исцедите што повеќе сок.
- Во садот додајте вода, шеќер или мед по желба и свежо цедениот сок од лимон. Измешајте за да се растопи шеќерот. Во две чаши ставете по 2 коцки мраз и турете го сокот.
Совет плус: Доколку сакате може и да не го цедите сокот. Овој сок може да го пиете за појдок или по тренинг, затоа што содржи многу хранливи состојки и му дава енергија на телото во текот на денот.
Ви предлагаме да прочитате: Калинка – спасител на срцето и чувар на косата.