Здрава чоколадна овесна каша - од кујната на Марија Кочовска • Сè за храна

Ако сакаш слатко и здраво да го започниш денот, испробај го овој рецепт за чоколадна овесна каша. Се прави за 10-тина минути, има фантастичен вкус, а најдобро од сѐ е тоа што е богата со хранливи состојки, раститителни влакна, минерали и витамини.

Добив повеќе пораки како го користам инулинот, па повторно споделувам уште еден рецепт. Чоколадната каша се прави со неколку состојки – овесни снегулки, какао, мед, цимет како и растително млеко. Рецептот не содржи шеќер, глутен, млеко и лактоза.

Состојки:

1 чаша овес
1 чаша растителни млеко
1 чаша вода
2 лажици чоколадно какао
1-2 лажици мед (сируп од урми или друг засладувач)
½ мала лажичка екстракт од ванила
½ мала лажичка цимет
1 лажица инулин од NOW.

Подготовка:

Во тенџере ставете сите состојки освен инулинот.
Тенџерето ставете го на оган и варете на умерена температура, со постојано мешање, додека кашата се згусти.
По 6-8 минути, кашата тргнете ја од огнот и додајте го инулинот. Измешајте и сервирајте ја кашата во чинии. Додајте сечкана банана, кокос, темно чоколадо, овошје по желба. На здравје!

Потсетување – што е инулин и зошто се додава?

Инулинот е раствориливо пребиотичко влакно кое се добива од сина агава. Како што се движи низ дигестивниот систем, инулинот ги храни добрите бактерии во цревата и го чисти телото од штетни честички, го апсорбира холестеролот и прави да се чувствуваме сити.

Инулинот го набавувам од онлајн продавницата на vitamini.mk со бесплатна достава, а исто така е достапен во сите поголеми аптеки. Сега е со 30% попуст, не пропуштај ја приликата да го набавиш.