Можеби сте го виделе овој крцкав леб со кашкавал кој некое време кружи низ интернет и сигурно ви се направило желба за да го пробате. Многу е едноставен за припрема и вкусен, а состојките кои ви се потребни може да ги менувате по желба.
Оваа идеја ја испроба и нашата пријателка Лана, од блогот Kuhinjica Mignone, а толку изгледа вкусно, што во првата прилика вреди да се проба. Па, ако имате бајат леб и не знаете како да го искористите, ова е супер рецепт.
Состојки:
- 1 бајат леб
- 150-200 грама кашкавал
- ситно сечкан млад кромид или лук по желба
- сол и мелен црн пипер.
Подготовка:
- Лебот засечете го како што е прикажано на сликата, но внимавајте да не го пресечете до крајот. Во внатрешноста ставете парчиња кашкавал или друго сирење кое се топи.
- Во тава на оган ставете малку масло да се загрее и додајте го ситно сечканиот кромид да се пржи. Посолете го по вкус и наросете мелен црн пипер. Штом кромидот ќе омекне, тргнете ја тавата од огнот, а кромидот распоредете го насекаде по малку.
- Лебот ставете го во тава обложена со хартија за печење. Печете го во загреена рерна на 200 степени за време од 15 минути, за да се растопи кашкавалот.
- Печениот крцкав леб со кашкавал послужете го веднаш, додека е топол и грицкајте коцка по коцка. На здравје!
Ви препорачуваме да прочитате: Ќофтиња од тиквички и бајат леб.